Najlepšy antystres. Anłajn-karmuška ŭ Biełaviežskaj puščy pačała novy siezon
Zachodź na birdwatch.by/stalouka-2023 i padhladaj, chto zavitvaje za łasunkami, zaprašaje telehram-kanał «Dzikaja pryroda pobač».
Sojka. Skrynšot minułahodniaha stryma
Kruhłasutačny farmat dazvolić nazirać i za dzionnaj aktyŭnaściu pieravažna ptušak, i za načnym žyćciom źviaroŭ.
Jak i ŭ minułyja razy, stałoŭka dla dzikich žyvioł z raznastajnym pačastunkam znachodzicca ŭ vakolicach nievialikaj puščanskaj viosački Vuhlany, što na Kamianieččynie. Miesca, dzie ŭstalavana kamiera, ujaŭlaje saboj nievialikuju palanu pamiž nizinnym bałotam, sasnovym i alchovym lesam. Jakraz tut prachodzić źviaryny pierachod, dy i čarodki vierabjinych karystajucca hetym kalidoram.
«Dla našaj krainy heta ŭnikalnaja mahčymaść i nievierahodny antystres», — piša «Dzikaja pryroda pobač».
