«Biełaruś ot Briesta do Vładivostoka». U paštovyja skrynki pryjšło vydańnie z zaklikami da rastvareńnia Biełarusi ŭ Sajuzie
Vydaŭcom paznačany «Nacyjanalna-vyzvalenčy ruch» (NOD), ale vychodnych źviestak hazieta nie maje.
Hazieta na čatyroch staronkach zaklikaje da adnaŭleńnia Savieckaha Sajuza.
Na staronkach vydańnia cytujucca Uładzimir Pucin, Siarhiej Šajhu i Alaksandr Łukašenka.
Sapraŭdnym biełaruskim simvałam tam nazyvajecca saviecki ściah.
Vydańnie adaptavanaje dla biełaruskaha čytača. Našu krainu tut nazyvajuć «Biełaruś», a nie «Biełoruśsija», jak pryniata ŭ Rasii.
Atrymalnikam prapanujecca vyrazać, padpisać i vysłać pietycyju z patrabavańniem pryznać rospusk SSSR niezakonnym.
Hazietu znachodziać u paštovych skrynkach u roznych haradach Biełarusi.
Kali vy viedajecie, chto raznosić hetyja haziety — «Biełpošta» ci inšyja raspaŭsiudniki, napišycie nam u TH @nn_editor, na [email protected] ci [email protected]. Kali pišacie ŭ telehram, možacie zahadzia pastavić razmovu na aŭtamatyčnaje vydaleńnie abo vydalić paviedamleńnie dla abodvuch bakoŭ paśla jaho pračytańnia. Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).
