Znajści
Ałharytmičny łacinski varyjant
05.12.2022 / 20:181RusŁacBieł

Viciebski KDK udaryŭ pa sietcy restaranaŭ «SušiDom»

KDK paviedamiŭ pra zaviadzieńnie kryminalnaj spravy ŭ dačynieńni da bujnoj sietki restaranaŭ i kafe, zarehistravanaj u Viciebsku. Sietku abvinavačvajuć va ŭchileńni ad padatkaŭ. Choć nazvu sietki siłaviki pakul nie nazyvajuć, pa ŭskosnych prykmietach «Narodnyja naviny Viciebska» vyznačyli, što za jana.

Pavodle viersii KDK, słužbovyja asoby i ŭłaśniki sietki restaranaŭ roznymi sposabami — štučnaje razdrabnieńnie biznesu, utojvańnie atrymanaj najaŭnaj vyručki (navat bolš za pałovu jaje) — paźbiahali vypłaty padatkaŭ u bujnych pamierach. Pavodle danych čarnavoj buchhałteryi, abjom schavanaj vyručki skłaŭ bolš za 13 000 000 rubloŭ, pamier niavypłačanych padatkaŭ — bolš za 4 000 000 rubloŭ.

Taksama śćviardžajecca, što bolš za 210 rabotnikaŭ sietki, a heta praktyčna ŭvieś piersanał, uklučajučy kucharaŭ, kurjeraŭ i administrataraŭ, atrymlivali zarobki «ŭ kanviertach». Pavodle infarmacyi KDK, takoje ŭznaharodžańnie składała ad 600 da 1500 rubloŭ za miesiac.

Na handlovych abjektach firmy prajšli pieratrusy, u vyniku jakich kanfiskavali padrychtavanuju da adpraŭki kurjeram najaŭnuju vyručku i čarnavyja zapisy pa jaje ŭliku. Pa hetaj kryminalnaj spravie zatrymlivali siem čałaviek, jany ŭ statusie padazravanych. Dvaich ź ich źmiaścili pad vartu, paviedamiła pres-słužba KDK.

Nazvu sietki KDK nie paviedamlaje, zhadvaje tolki, što ŭ sietku restaranaŭ i kafe ŭvachodziła bolš za 40 abjektaŭ pa ŭsioj krainie. Ale na fota ź jaho paviedamleńniaŭ pakazany interjer adnoj z kaviarniaŭ i zakančeńnie URL sajta sietki. Heta dazvalaje mierkavać, što havorka idzie pra «SušiDom».

Vierahodna, «pryjšli» da ich u kancy listapada, bo 30 listapada na staronkach sacsietak źjaviłasia paviedamleńnie ab prypynieńni pracy pa techničnych pryčynach.

Siońnia na staroncy «SušiDom Viciebsk» taksama źjaviłasia paviedamleńnie pra toje, što ŭstanova prypyniaje akcyju ŭ dzień naradžeńnia, štodzionnyja rozyhryšy i dziejańnie promakodaŭ da poŭnaha adnaŭleńnia pracy.

Sietka «SušiDom» była arhanizavanaja rasijankaj, jakaja vyjšła zamuž za žychara Viciebska. Para spačatku sprabavała stvaryć taki biznes u Rasii, ale potym pierajechała ŭ Biełaruś. 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
daviedka/adkazać/
06.12.2022
V novostiach užie podtvierdili, čto rieč idiot imienno o dannoj sieti, kotoruju možno pierieimienovať v «SušiViosła».
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera