Znajści
Ałharytmičny łacinski varyjant
05.12.2022 / 20:442RusŁacBieł

«Za kožnuju pieśniu im dajuć pa 15 sutak». Što adbyvajecca z muzykami TOR BAND

«Radyjo Svaboda» daviedałasia, što ciapier adbyvajecca z muzykami hurta TOR BAND Dźmitryjem Hałavačom i Jaŭhienam Burło, jakija byli zatrymanyja 28 kastryčnika i dahetul nie vyjšli na volu. Jak stała viadoma, muzykaŭ treci raz zapar pakarali aryštam na 15 sutak.

Vystup hurta TOR BAND u 2020 hodzie

«Im za kožnuju pieśniu dajuć pa 15 sutak. Chodziać čutki pra kryminalnuju spravu, ale pakul jaje niama, nakolki ja viedaju. U Rahačovie ciapier «trasuć» ludziej, jakija zdymalisia ŭ klipach TOR BAND. Pieravažna pravodziać prafiłaktyčnyja hutarki. Niekatorych zatrymlivajuć, kali znachodziać padpiski na «ekstremisckija» kanały. U dziaržaŭnych arhanizacyjach i na pradpryjemstvach byli schody. Ludziej papiaredžvali, kab prybrali ŭ sacyjalnych sietkach TOR BAND, spasyłki na ich, reposty. Pahražali aryštami», — raskazała krynica «Svabody».

Inšy surazmoŭca paviedamiŭ, što «niekaha naviersie» raźjušyła pieśnia «Baćka». U klipie na jaje zdymalisia prykładna sto čałaviek.

«Ich ciapier šukajuć, apytvajuć. Šukajuć choć što, choć jakija padpiski na «ekstremizm», — paviedamiła krynica «Svabody».

Aryštavanych muzykaŭ nadalej trymajuć u Rahačoŭskim IČU. Ich treci 15-dzionny termin maje skončycca 13 śniežnia.

Čytajcie taksama:

Pieśnia Tor Band «My nie narodziec» stała nastolki narodnaj, što pad jaje zapisvajuć tyktoki navat łukašenkaŭcy VIDEA

Razam z muzykami Tor Band byŭ zatrymany fatohraf, jaki zdymaŭ dla ich klipy

Siłaviki zavałodali akaŭntami hurta Tor Band i vydalili ŭsie klipy ź miljonami prahladaŭ

Piać faktaŭ pra hurt Tor Band, udzielnikaŭ jakoha zatrymali ŭ Rahačovie ź siemjami

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Belarus2020 /adkazać/sačyć
05.12.2022
Treba jak maha šyrej raspausiudžvać kampazicyi TorBand, raskazvać pra ich, śpiavać, vučyć na pamiać. ŽYVIE BIEŁARUŚ!
0
Per aspera /adkazać/sačyć
05.12.2022
Zajdzicie na aficyjnuju staronku hrupy. U Youtube ŭ pošuku nabirajcie: Tor Band Baćka Budzie staronka hrupy z 7młn972tys prahladaŭ, klip Baćka. Astatni kantent vydaleny. Ale možna pałaskać usio anonsy na kampazicyi Tor Band, što vydaść Jutub, pakinuć kamientar. Padpisacca na staronku. Heta dapamoža staroncy stać papularnaj i nie zhubicca, kali adnovicca napaŭnieńnie kampazicyjami!
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031