Znajści
Ałharytmičny łacinski varyjant
06.12.2022 / 15:205RusŁacBieł

U centry Minska pradajecca kvatera ź vielmi dziŭnaj vannaj-basiejnam. Ale takija tut u kožnym padjeździe

Hety piacipaviarchovy dom nasuprać Vialikaha teatra opiery i baleta byŭ pabudavany ŭ 1936 hodzie. Pieršapačatkova kvatery ŭ domie na skryžavańni vulic Bahdanoviča i Staražoŭskaj atrymlivali čyrvonyja kamandziry i namienkłaturnyja rabotniki. Siońnia dom znakamity nie tolki svajoj historyjaj, ale i niezvyčajnymi architekturnymi rašeńniami.

Ciapier tut pradajecca trochpakajovaja kvatera ź niezvyčajnaj vannaj-basiejnam, raskazvaje Realt.by.

Padčas vajny z elitnym domam adbyłasia trahiedyja — u pabudovu trapiła bomba, ad jakoj zahinuła bolš za 100 čałaviek. Adnak užo ŭ 1947 hodzie budynak adnavili pałonnyja niemcy. Kvatery ŭ adrestaŭravanym domie znoŭ razdali pradstaŭnikam minskaj elity — kiraŭnikam pradpryjemstvaŭ, rabotnikam kultury.

MinskJandieks Karty — transport, navihacija, poisk miest

U budynku pieršapačatkova było piać padjezdaŭ, čatyry ź ich byli zasielenyja pradstaŭnikami namienkłatury, a piaty — pamočnikami pa haspadarcy: šafiorami i chatnimi rabotnicami, jakija absłuhoŭvali namienkłaturu. Praz heta ŭ padjezdach — roznyja płaniroŭki kvater. U elitnych «paradnych» možna znajści prastornyja troch— i čatyrochpakajovyja kvatery, a ŭ padjeździe «dla čeladzi» — tolki nievialikija dvuchpakajoŭki.

Jašče adna «słavutaść» doma — mini-basiejny ŭ kožnaj kvatery. Kažuć, pry budaŭnictvie budynka prajekciroŭščyki nie zmahli znajści čyhunnyja vanny, tamu vyrašyli zrabić «kupalni» hruntoŭnymi − z cemientu i žalezabietonnych belek, utapiŭšy kanstrukcyju ŭ padłohu.

U vyniku, u kožnaj kvatery źjavilisia svaje mini-basiejny. Dla taho, kab spuścicca ŭ vannu, tut praduhledžana śpiecyjalnaja prystupka. Praŭda, tak jak paviercham vyšej znachodzicca dakładna takaja ž kanstrukcyja, źvierchu pravisaje «basiejn» susieda.

Pieršapačatkova vanny nie byli abkładzieny plitkaj. Heta było zroblena tolki padčas kapramontu ŭ 70-ch hadach. Kažuć, karystacca takimi basiejnami zručna — tolki vadu nabirać davodzicca doŭha.

Ciapier u domie, jaki źjaŭlajecca historyka-kulturnaj kaštoŭnaściu, pradajecca adna kvatera.

Na prodaž vystaŭlena trochpakajovaja kvatera płoščaj 74 kvadratnyja mietry.

Raźmiaščajecca žyllo na čaćviortym paviersie. U kvatery — niadrenny ramont, vysokija stoli i vialikija vokny. Mini-basiejn tut taksama prysutničaje!

Košt troški pobač ź Niamihaj, Trajeckim pradmieściem i nabiarežnaj Śvisłačy — 150 tysiač dalaraŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
14
Ха-ха
15
Ого
6
Сумна
1
Абуральна
7
0
chch/adkazać/
06.12.2022
oj-joj... viedała, što heta dom-kamuna. ale nie viedała, što ŭ jaho takaja historyja...
«DOM MIERTVYCH»
Piatietažnyj žiłoj dom-kommuna na uhłu nyniešnich ulic Janki Kupały i Maksima Bohdanoviča był postrojen v 1936 hodu i nazvan v duchie vriemieni Trieťjim Domom Sovietov – v niem połučili kvartiry siemji oficierov Krasnoj Armii.
V piervyje dni Vielikoj Otiečiestviennoj vzryvom fašistskoj aviabomby zavaliło vychod iz raspołožiennoho pod etim domom bomboubiežiŝa, hdie priataliś žieny i dieti tolko čto ušiedšich na front krasnoarmiejciev. Ot jedkoho dyma, pronikšieho v podziemielje-łovušku čieriez vientilacionnyje chody, razom pohibli boleje sta čiełoviek. Ich otcy i mužja takžie nie viernuliś pod rodnoj krov – počti vsie oni pohibli na vojnie… Priedanije o «Domie miertvych» jeŝie dołho chodiło iz ust v usta v poślevojennom Minskie. (planetabelarus.by)
0
Uład/adkazać/
06.12.2022
Heta kab čyrvonyja kamandziry svaich koniej myli.
0
chch/adkazać/
06.12.2022
kali susied myjecca, jon myjecca ŭ svajoj kvatery ci ŭ kvatery susiedki?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930