Znajści
Ałharytmičny łacinski varyjant
08.12.2022 / 18:019RusŁacBieł

«SB. Biełaruś siehodnia» patrabuje represavać Blišča, Karatkievič i nie tolki

Čarhovy ŭstanovačny artykuł apublikavała łukašenkaŭskaje vydańnie «SB. Biełaruś siehodnia». Na hety raz palavańnie adkrytaje na tych viadomych ludziej, chto zastaŭsia ŭ krainie. «Zmaharski pryton znoŭ ažyvaje», piša vydańnie i zaklikaje nie čakać paŭtareńnia, a «kančatkova razabracca ź niepatrebnym zmaharskim chłamam».

Dzianis Blišč. Fota: blisch / Facebook

Artykuł padpisany Alenaj Krasoŭskaj — hetaja žančyna raniej vydavała siabie za pravaabaroncu, a taksama trymała kaviarniu, dzie źbiralisia prapahandysty.

U artykule Krasoŭskaja plažyć błohiera, byłoha hałoŭnaha redaktara «Anłajniera» Dzianisa Blišča, eks-kandydatku ŭ prezidenty Taćcianu Karatkievič, Dźmitryja Cimaškova, jakoha šmat chto viedaje jak «Lilčynaha tatu», mastactvaznaŭcu Alaksandra Radajeva i jaho žonku, pradziusarku Inu Radajevu.

«Jany vydalili kampramietujučyja publikacyi za 2020 hod, prybrali z fatahrafij bčb-simvoliku i vyrašyli, što ŭsie zabylisia, jak zaŭziata jany imknulisia razburyć, razarvać, źniščyć našu Biełaruś», — piša aŭtarka i papiaredžvaje, što «jašče krychu, i [jany] znoŭ zrobiacca nachabnymi».

Hałoŭnaja pretenzija aŭtarki da hierojaŭ artykuła, što jany niedastatkova chvalać i niedastatkova radujucca biełaruskim realijam, «z usich sił praciahvajuć mazać našu rečaisnaść čornaj farbaj».

Naprykład, byłaja kandydatka ŭ prezidenty Taćciana Karatkievič «uraziłasia cišynioj i adsutnaściu viačerniaha žyćcia ŭ Minsku».

«Adčuvajecie, jak strašna žyć u Biełarusi? … ludzi nie siadziać u kaviarniach i restaracyjach, bo ŭ 2020-m my z vami abrali nie toje, što chacieła Karatkievič», — zaŭvažaje aŭtarka.

Krasoŭskaja piša, što Karatkievič, jakaja zaraz zajmajecca prablemami ludziej ź invalidnaściu, robić heta «ŭ kantakcie ź dziaržaŭnymi orhanami».

«Ni ŭ koha nijakich pytańniaŭ nie ŭźnikaje? Mabyć, nie», — namiakaje Krasoŭskaja.

Dzianis Blišč, jaki ciapier zajmajecca błohierstvam, i pry jakim, darečy, «Anłajnier» byŭ całkam daloki ad palityki, pavodle «SB», niedastatkova pryhožyja robić repartažy ź biełaruskaj hłybinki, biez radaści. «Kantent, jaki Blišč «vyrablaje», moža lohka ŭvahnać u depresiju nie adnaho žychara Biełarusi. Kali koratka, to ŭsio ŭ nas markotna, sumna i drenna. Vioski i miastečki adnatypnyja, u Minsku prablema na prablemie —

pačynajučy ad parkovak u novych rajonach i zakančvajučy budynkami, jakija byli źniesieny ci ledź nie ŭ pazaminułym stahodździ i nadavali stalicy taki miły Blišču jeŭrapiejski vyhlad. Ciapier voś nie nadajuć, i heta taksama nahoda dla zasmučeńnia», — piša Krasoŭskaja.

Aŭtarka aburajecca, što «ŭ nas uvieś čas niešta budujecca, uvodzicca, adčyniajecca, rekanstrujujecca, ale ŭsio nie toje. Dla Blišča, viadoma».

Dźmitryju Cimaškovu, baćku dački-vazočnicy, Krasoŭskaja stavić na vid niaŭdziačnaść.

«Vidać, nazapasiłasia ŭ Cimaškova pretenzij da krainy, u jakoj žyvie. Kvatera, atrymanaja tamu što ŭ siamji dzicia-invalid, musić, nie taho pamieru? Abo reabilitacyjny centr, dzie pa budniach dziaržava zajmajecca jaho dziciem, drenny? Ci chtości nie daje Cimaškovu ŭładkoŭvać biaskoncyja prabiežki ź invalidnymi kalaskami i inšyja spartovyja aktyŭnaści? Nie, naadvarot, va ŭsim pamahali. I da hetaha času ŭ sponsarach u Cimaškova dziaržaŭnyja pradpryjemstvy», — daje namiok Krasoŭskaja sponsaram.

Sužency Radajevy — jašče adna mišeń aŭtarki.

«Radajeŭ naohuł z zaŭziatych, nie paciarpieŭ nijakich jabaciek navat siarod blizkich siabroŭ. I za dva hady ŭ jaho śvietapohladzie ničoha nie źmianiłasia, prosta z žonkaj sacsietki pačyścili da poŭnaj sterylnaści.

Ale heta nie mocna dapamahaje, asabliva kali napaskudzili ŭ hetych sacsietkach dosyć. Choć nie, śvietapohlad u siamji Radajevych usio-tki źmianiŭsia: zjaviłasia złość na toje, što nastup zmaharskaha tryumfu zaciahvajecca i nieabchodna maskavacca», — piša Krasoŭskaja pra Alaksandra i Inu Radajevych.

Aŭtarka papiaredžvaje, što heta tolki niekalki prykładaŭ taho, što «zmaharski pryton u našaj krainie znoŭ ažyvaje».

«I jany pastupova nachabničajuć, užo i ŭ dziaržSMI sovajucca biez asablivaj aściarohi. A dalej budzie tolki horš. Nakolki — my pamiatajem pa 2020 hodzie. Dyk budziem čakać paŭtareńnia? Ci ŭsio ž taki kančatkova raźbiaromsia ź niepatrebnym zmaharskim chłamam? Jakraz zaraz jašče možam heta zrabić», — piša Krasoŭskaja.

Raniej takija danosnyja artykuły ŭ «SB» niaredka papiaredničali kryminalnamu pieraśledu hierojaŭ publikacyj. 

Čytajcie taksama: Hazieta Łukašenki nazvała Aleksijevič «bolnoj žienŝinoj» i «staroj duroj»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
nie piej vina, Hiertruda /adkazać/
08.12.2022
sčiotčik Hiejhiera, nu dyk vychodziła 200 tysiač, a źjechali tolki 100 tysiač. Niedarabatyvajuć. Hetyja durni dumajuć, što kali jany vyhaniać niazhodnych dumajučych, to im nastupić raj. Daremna, bo nastupnymi vyjduć tyja, chto nie budzie źnimać abutak, kab stać na łaŭku. Jany hetyja łaŭki łamać buduć ab hałovy prykarytnikaŭ.
0
Piečki-łavački/adkazać/
08.12.2022
nie piej vina, Hiertruda , bolš taho - i tyja, chto zdymaŭ raniej, nastupnym razam apranuć sabatony.
0
Śviatłana/adkazać/
09.12.2022
Jaki žach ! 1984 hod u Biełarusi. Chvilinka nienaviści, jaka zacčhnułasia nadoŭha.Zmahary....Jakaja źnievaha da spraŭžnich synoŭ i dačok Biełarusi. Baluje navałač, baćki jakoje prysunulisia ŭ Biełaruś niekali z zasranskaŭ roznych i zasraniej, a ciapier niščać našu movu, našu kulturu ,našych hierojaŭ.Sumna i horka čytać pra heta. Rasijancy, dzie b jany nie žyli heta rakavaja puchlina na ciele Ziamli. Jaje nie mahčyma lačyć.Jaje treba prosta źniščać. Heta adziny srodak baraćby ź joju, jak pakazvaje nam vopyt Ukrainy.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera