Znajści
Ałharytmičny łacinski varyjant
09.12.2022 / 18:208RusŁacBieł

U Nižnim Noŭharadzie ajcišnik vykinuŭsia z bałkona padčas pieratrusu, abstaviny vielmi ćmianyja

U rasijskim Nižnim Noŭharadzie pry ćmianych abstavinach zahinuŭ kreatyŭny dyrektar miascovaj IT-kampanii Agima Ryhor Kočanaŭ. ŚMI paviedamlajuć, što jon vypaŭ z bałkona, kali ŭ jahonaj kvatery prachodziŭ pieratrus.

Miascovyja telehram-kanały śćviardžajuć, što pieratrus u ajcišnika prachodziŭ pa spravie «ab piedafilii». Što mienavita jamu staviłasia ŭ vinu, niezrazumieła, kažuć tolki, što ŭ jaho nibyta znajšli bolš za 20 terabajt dziciačaj parnahrafii. Ale aficyjna hetaja infarmacyja nie paćvierdžanaja.

Kočanaŭ nibyta adčyniŭ dźviery supracoŭnikam pravaachoŭnych orhanaŭ, raśpisaŭsia ŭ pastanovie i «nie staŭ adniekvacca». A kali palicyjanty pačali pravodzić pieratrus, to pajšoŭ na bałkon i vypaŭ z akna.

Rasijski Śledčy kamitet ad kamientaroŭ ustrymlivajecca, a palicyja adpraŭlaje žurnalistaŭ da Śledčaha kamiteta. 

Kalehi i znajomyja Kočanava śćviardžajuć, što abvinavačańni jaho ŭ piedafilii — poŭnaja łuchta, i dajuć jamu stanoŭčyja charaktarystyki. Pry hetym kažuć, što zahinuły publična vystupaŭ suprać vajny va Ukrainie.

Zahinuły byŭ davoli viadomym čałaviekam u svajoj śfiery. Akramia pracy ŭ Agima, Kočanaŭ vioŭ kursy hrafičnaha dyzajnu, raspracoŭvaŭ majstar-kłasy pa ilustracyi, adaptyŭnym veb-dyzajnie i kiravańni tvorčym kalektyvam. U jakaści dyzajniera jon supracoŭničaŭ z vydaviectvami Cambridge University Press i Hart Publishing, časopisami «Snob» i «Ihromanija». Pad kiraŭnictvam Kočanava byŭ raspracavany i zapuščany pieršy adaptyŭny sajt u Rasii. Jon vystupaŭ taksama śpikieram najbujniejšych rasijskich i mižnarodnych kanfierencyj.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
3
Ха-ха
3
Ого
2
Сумна
37
Абуральна
11
0
Maksim Dizajnier/adkazać/
10.12.2022
Nu čto,Maksimka,nravitsia?

Nu, da. Kakoj ajtišnik?Dizajnier žie.
0
Maksim Dizajnier/adkazać/
10.12.2022
Aleś,

Tak ja o tom žie. Lubaja makak pośle triechmiesiačnych kursov nazyvajet siebia ajtišnikom. 
0
Aleś Kasiak /adkazać/
12.12.2022
"znajšlisia" terabajty... U Aŭtuchoviča "znajšlisia" patrony, a ŭ Cichanoŭskaha "znajšoŭsia" miłjon pad kanapaj.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930