Znajści
Ałharytmičny łacinski varyjant
28.12.2022 / 21:4224RusŁacBieł

Łukašenkaŭski «biznesmien udačy» Alaksandr Zajcaŭ staŭ rycaram papskaha ordena. U hetaj historyi jość niuansy

Biznesmien Alaksandr Zajcaŭ, vyklučna blizki da Viktara Łukašenki, staŭ rycaram Ordena Śviatoha Hryhoryja Vialikaha. Rehalii aśviaciŭ arcybiskup Stanieŭski, niahledziačy na toje, što Zajcaŭ znachodzicca pad zachodnimi sankcyjami. Mnohija miarkujuć, što Zajcaŭ katalikom staŭ, kab vyrašyć svaje zadačy. 

Fota: Tut.by

Papa Francišak nadaŭ biznesoŭcu Alaksandru Zajcavu tytuł rycara Ordena Śviatoha Hryhoryja Vialikaha.

Zajcaŭ staŭ pieršym u historyi Biełarusi členam hetaha papskaha Ordena. Arcybiskup Stanieŭski aśviaciŭ rehalii i pryniaŭ prysiahu ad novaha kavalera. U mierapryjemstvie ŭdzielničali ksiondz Ihar Łašuk sa Stoŭbcaŭ i ksiondz Juryj Žaharyn z Navahrudka. Pra padzieju nie paviedamlałasia na aficyjnych katalickich partałach, piša partał «Chryścijanskaja vizija».

Propaviedź padčas padziei skazaŭ ks. Ihar Łašuk.

«Ja viedaju spadara Alaksandra šmat hadoŭ, jaho ŭzrastańnie ŭ viery adbyvałasia krok za krokam, — cytuje jaho partał. — Ja radujusia, što katalicki Kaścioł adznačyŭ jaho ordenam Śviatoha Hryhoryja Vialikaha. Jon nie tolki asabista ŭzrastaŭ u viery, ale raspaŭsiudžvaŭ i pašyraŭ vieru Kaścioła tut na biełaruskaj ziamli», — skazaŭ śviatar.

Arcybiskup Stanieŭski padkreśliŭ, što sam Zajcaŭ nie šukaŭ hetaj uznaharody, a «ŭznaharoda šukała rycara Alaksandra, rycarskaja hodnaść šukała jaho».

«Napeŭna, vierniki katalickaha Kaścioła ŭdziačnyja vam i addajuć Bohu chvału za toje, što ŭ XXI stahodździ na našaj siniavokaj Baćkaŭščynie jość takija vialikija ludzi», — skazaŭ arcybiskup.

Zajcaŭ achviaravaŭ vialikija hrošy na budaŭnictva novych kaściołaŭ u Biełarusi.

Historyja prychodu Zajcava ŭ kaścioł — niezvyčajnaja. Pa naradžeńni jon pravasłaŭny z Ružan (Bresckaja vobłaść). I ludzi, jakija ź im pracavali, kažuć, što jašče 20 hadoŭ tamu, kali jon pracavaŭ u Ministerstvie ekanomiki i Jeŭrapiejskim humanitarnym univiersitecie, jon niehatyŭna i navat vajaŭniča vykazvaŭsia pra katalikoŭ. Jak ža jon «pryjšoŭ da viery»?

Pa infarmacyi «Našaj Nivy», Zajcaŭ imknuŭsia atrymać pašpart Maltyjskaha ordena. Ale byŭ niuans: Maltyjski orden — heta kataliki, pa svaim zakonie jany nie majuć prava pryniać u svaje šerahi pravasłaŭnaha. 

Pa našaj infarmacyi, adzin z najvyšejšych funkcyjanieraŭ Ordena staŭ chrosnym baćkam Zajcava — darosły čałaviek moža vybirać sabie chrosnych sam. 

Malta pryvablivaje bahatych ludziej ź biełaruskimi karaniami. Tak, na Malcie pražyvaje handlar zbrojaj Uładzimir Piefcijeŭ, jaki taksama traplaŭ pad sankcyi zachodnich krain, ale vyjšaŭ z-pad častki ich. 

Pašpart Maltyjskaha ordena pryznajecca mnohimi krainami. Dla jaho atrymańnia treba być aktyŭnym katalikom i miecenatam.

Pa danych ordena, jaho členami źjaŭlajucca 13 500 čałaviek. Hałoŭnyja čynoŭniki ordena i dypłamaty majuć pašpart ordena. Usiaho vydadziena kala 400 pašpartoŭ. Pašpart Maltyjskaha ordena pryznajecca mnohimi krainami, jaho ŭładalnik maje prava biaźvizavaha ŭjezdu ŭ 32 krainy. Usie členy Ordena pavinny vieści ŭzorny ład žyćcia ŭ adpaviednaści z vučeńniem i prykazańniami Carkvy i pryśviacić siabie pracy Ordena pa akazańni humanitarnaj dapamohi.

Datyčna Zajcava, «Chryścijanskaja vizija» piša, što asnoŭnaj śfieraj dapamohi biznesmiena źjaŭlajecca budaŭnictva. Niezdarma va ŭračystaści braŭ udzieł ksiondz Ihar Łašuk, jakoha nazyvajuć «ksiandzom-budaŭnikom», biskupski vikaryj pa spravach budaŭnictva i ramontu sakralnych budynkaŭ Minska-Mahiloŭskaj archidyjacezii. U svaju čarhu, ksiondz Juryj Žaharyn adbudavaŭ rekalekcyjny dom u Navahrudku i adramantavaŭ vieličny kaścioł tam.

Padčas propaviedzi ksiondz Łašuk pryhadvaje adnu akcyju jakuju padtrymaŭ Zajcaŭ — pierehrynacyju, heta značyć, padarožža fihury śviatoha Michała Archanhieła. Jana pačałasia ŭ 2018 hodzie.

Z hetaj ža fihuraj śviatar jeździŭ pa katalickich parafijach uzdoŭž miažy z Ukrainaj paśla pačatku rasijskaha ŭvarvańnia. «Čytali ekzarcyzmy, kab deman vajny pakinuŭ Kreml (…) Malilisia, kab palityki byli palitykami, a nie hałavarezami», — napisaŭ tady ajciec Łašuk. Nieŭzabavie paśla hetaha na ksiandza Łašuka była zaviedziena administracyjnaja sprava nibyta za raspaŭsiud «ekstremisckaha kantentu» i śviatar byŭ pakarany 30-ciu bazavymi štrafu.

Što takoje Orden Śviatoha Hryhoryja Vialikaha?

Heta najvyšejšaja adznaka dla śvieckich asobaŭ, jakoj uznaharodžvaje Papa. Jana była ŭstanoŭlenaja ŭ 1831 hodzie i dajecca za «vajennyja ci cyvilnyja zasłuhi ŭ padtrymcy pačynańniaŭ Apostalskaj Stalicy». Inicyjatarami nadańnia zvańnia rycara Ordena Śviatoha Hryhoryja Vialikaha zazvyčaj źjaŭlajucca miascovyja biskupy ci apostalski nuncyj. Razhladajucca hetyja spravy zazvyčaj u Dziaržaŭnym Sakrataryjacie Śviatoha Pasadu.

Biznes-pośpiechi Alaksandra Zajcava hruntujucca na blizkaści da siamji Łukašenki — Zajcaŭ doŭhi čas byŭ pamočnikam Viktara Łukašenki i vykonvaŭ roznyja misii ŭ Arabskich Emiratach i krainach Uschodu.

Za heta jon i trapiŭ u sankcyjnyja śpisy krain Zachadu. 

Pra mahčymaści ci pazicyju Zajcava šmat kaža toj fakt, što jon nie zdoleŭ ci nie zachacieŭ zastupicca za tych svaich supracoŭnikaŭ, jakija papali pad represii. Centralny prykład tut — Volha Chižynkova, jakaja pracavała ŭ zajcaŭskim «Dynama Brest» na momant svajho zatrymańnia. Nahadajem, što jaje, byłuju «Mis Biełaruś», 42 dni katavali nievynosnymi ŭmovami ŭtrymańnia na Akreścina. 

Zajcaŭ zarablaje ŭ tych śfierach biznesu, dziejnaść u jakich u Biełarusi mahčymaja tolki z adabreńnia Alaksandra Łukašenki. Razam z Alaksiejem Aleksinym («Enierha oił», «Tabakierki») i Mikałajem Vierabjom Zajcaŭ uvachodzić u samy ŭpłyvovy na siońnia tryumvirat «biznesmienaŭ udačy». 

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
10
Панылы сорам
55
Ха-ха
4
Ого
7
Сумна
11
Абуральна
59
4
Jan/adkazać/
30.12.2022
Postrojka kostieła eto prichožanie. Bolšie kostiełov bolšie prichožan. Bolšie prichožan bolšie vierujuŝich katolikov. Katoliki eto vam nie moskovskij patriarchat:) , eto zapadnoje vlijanije, stratiehičieski-političieski. Tak čto nahrada vpołnie zasłužiena, dažie jeśli on ahient khb;)  Viesielit čto vnahłuju dali.
0
Rotornaja mołotiłka/adkazać/
30.12.2022
V vikipiediju biehom.
Maltu s Maltijskim Ordienom pierieputať, dietskij sad, vtoraja čietvierť.
0
Valadzimir/adkazać/
30.12.2022
Jan, Vy faktyčna vykłali... "kanśpirałahičnuju" viersiju ab tym, što ahulnaha pamiž dziejnaściu Papy Iaana PaŭłaII i abmiarkoŭvajemym rašeńniem Papy Francyska. A dakładniej, ab adzinaj dla ich mecie - rost stratehična-palityčnaha ŭpłyvu i, ŭrešcie rešt, pieramoha Zachadu nad Rasiejaj i pravasłaŭjem.
A nakont "vnahłuju" nie zhodny. Na maju dumku, ad samaha pačatku ŭsio imienna tak (z takim finałam) i było zadumana - prahmatyčna, detalova, biez emocyj i dumak ab tym, a jak heta budzie ŭspryniata biełarusami.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera