Znajści
Ałharytmičny łacinski varyjant
07.01.2023 / 17:221RusŁacBieł

Recept na vychadnyja. Pałoska piasočnaja — jak u dziacinstvie

Pamiatajecie takija piasočnyja pałoski? Vy ź lohkaściu zmožacie śpiačy ich sami.

Masła (82,5%) — 200 h
Cukar — 130 h
Jajka — 1 št.
Vanil
Sol

Pieraličanyja inhredyjenty ŭźbić, čarhovaść dadavańnia praduktaŭ nie važnaja.

Muka v/h — 325 h
Razrychlalnik — 1 č. ł. (kali vykarystoŭvajecie sodu, to adna łyžačka biez horki, a to i mieniej)
Pavidła — 300 h (možna i bolej), abo vareńnie, džem — najlepiej hustoje i hamahiennaje, kab karžy dobra da jaho lapilisia.

Muku z razrychlalnikam dadać da ŭźbitaj napačatku sumiesi. Zamiasić adnarodnaje ciesta, zrabić kom, zaharnuć jaho ŭ plonku i pakłaści ŭ chaładzilnik na 30 chvilin.

Razahreć duchoŭku da 220 °C.

Dastać ciesta z chaładzilnika. Raskačać na piakarskaj papiery, blizka da pramavuholnaj formy, płastom 5—10 mm taŭščyni, zaležna ad pamieru blachi. Potym ściahnuć papieru ź ciestam na blachu i časta nakałoć płast videlcam.

Vypiakać pry tempieratury 220 °C dzieści 10—15 chvilin, zaležna ad duchoŭki. Važna nie pieratrymać ciesta, jak tolki-tolki jano pačnie rumianicca pa bierahach, možna dastavać.

Abrezać bierahi pryhatavanaha ciesta da pramavuholnika (abrezki pojduć na krošku). Pramavuholnik razrezać na 2 roŭnyja častki, nie pierasoŭvajučy haračy płast. Dać astyć.

Adnu pałovu vypiečki namazać pavidłam, nakryć druhoj pałovaj, jaje taksama zmazać i źvierchu pasypać kroškaj. Pakinuć minimum na niekalki hadzin.

Chutka i prosta. Samaje važnaje — nie pierasušyć ciesta ŭ duchoŭcy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Vir/adkazać/
08.01.2023
U dziacinstvie -  heta dobra, a ciapier ža treba taliju piļnavac`... Ci nie ???
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera