Znajści
Ałharytmičny łacinski varyjant
07.01.2023 / 18:495RusŁacBieł

Pamior 32-hadovy žychar Navapołacka, jakoha ŭ 2020-m paranili śviatłošumavoj hranataj

Hetamu rabotniku «Naftana» 10 žniŭnia 2020-ha šumavaja hranata prylacieła prosta ŭ nohi. Pravaabaroncy dapamahli mužčynu vyjechać ź Biełarusi ŭ Ryhu, dzie jamu zrabili apieracyju. Pamior jon 29 śniežnia, 5 studzienia jaho pachavali na radzimie. U jaho zastałosia troje dziaciej.

Viačasłaŭ Śližykaŭ z žonkaj. Fota z sacyjalnych sietak

Viačasłaŭ Śližykaŭ byŭ paranieny ŭ Navapołacku 10 žniŭnia 2020 hoda, u druhi dzień narodnych pratestaŭ suprać falsifikacyi prezidenckich vybaraŭ. Jak apaviadaŭ sam mužčyna,

«dźvie [hranaty] prylacieli mnie pad nohi. Paśla druhoha ŭdaru zrazumieŭ, što nie mahu stajać na dźviuch nahach, nie było sił. Na adnoj nazie pačaŭ adskokvać u bok tratuara. Dabraŭšysia, loh na travu. Mianie padabrali ludzi, zanieśli ŭ padjezd i vyklikali chutkuju», — raskazvaŭ jon.

U balnicy Viačasłava dapytvali jak śviedku masavych biesparadkaŭ, a potym skłali pratakoł ab udziele ŭ mitynhu.

Paśla balnicy jon praciahnuŭ lačeńnie doma. Jamu dapamahali ludzi ź inicyjatyŭ salidarnaści. Dziakujučy im, jon zjeździŭ u Miensk na abśledavańnie. Jany ž prapanavali reabilitacyju ŭ Łatvii. Jaho pieravieźli tudy 5 vieraśnia. Tam zrabili apieracyju i dastali askiepak hranaty pamieram bolšy za pierapialinaje jajka. Paśla spatrebiłasia jašče adna apieracyja, bo, jak vyjaviłasia, byŭ pierabity jašče i nierv u nazie.

U Łatvii na reabilitacyi Viačasłaŭ mieŭ prabyć miesiac, ale z-za niebiaśpieki aryštu vyrašyŭ zastacca na čužynie. Razam sa svajoj dziaŭčynaj žyŭ u łahiery biežancaŭ.

Na radzimie Viačasłaŭ pracavaŭ na «Naftanie». 

Viačasłaŭ pisaŭ skarhi na siłavikoŭ. U adkazach havaryłasia, što ŭsie dakumienty dałučanyja da ahulnaj kryminalnaj spravy, ale što heta za sprava, jamu daznacca nie ŭdałosia.

U Łatvii Viačasłaŭ pracavaŭ hruzčykam. Słabaść i prystupy bolu adnosiŭ na nastupstvy ranieńnia, pra svaje prablemy z sercam nie viedaŭ, nijak nie abśledavaŭsia.

Maralna jamu na čužynie było ciažka, pryžycca na novym miescy jon nie zmoh. «Apošni čas u jaho zdaralisia niervovyja zryvy», — adznačaje jaho siabar, ź jakim pahavaryła «Naša Niva».

Pamior Viačasłaŭ 29 śniežnia, pryčynaj stała sardečnaja niedastatkovaść.

Niezadoŭha da skonu jon i siabar atrymali dazvoł na pracaŭładkavańnie ŭ Hiermanii i 5 studzienia źbiralisia razam tudy jechać rabić u kampanii, jakaja stavić soniečnyja batarei.

Ad pieršaha šlubu ŭ Viačasłava zastałosia troje niepaŭnaletnich dziaciej. Jaho cieła pieradali rodnym u Biełaruś, 5 studzienia jaho pachavali.

«Jaho dziaŭčyna nie moža viarnucca ŭ Biełaruś, bo tam joj pahražaje kryminalny pieraśled. Usio, što jana mahła, jana zrabiła dla Viačasłava. Joj ciapier ciažka. U balnicy była pad kropielnicaj», — raskazaŭ siabar pamierłaha. Ën i sam mocna paciarpieŭ u 2020-m: u izalatary jamu paškodzili chrybiet i vucha, taksama daviałosia rabić u Łatvii apieracyju.

Takaja niaprostaja dola hetaha pakaleńnia.

«Heta niepaźbiežna, jak zakon pryrody: Žyć nie buduć viečna vorahi narodu» — hetyja radki ź Lavona Volskaha stajać epihrafam u staroncy Śližykava Ukantakcie, u inšych sacyjalnych sietkach jon chiba što nie prysutničaŭ. Adnak stała tak, što jon syšoŭ raniej za svaich vorahaŭ, i maładym.

«Naša Niva» — bastyjon biełaruščyny

PADTRYMAĆ

Čytajcie taksama: Zatrymali biełarusa, jaki viarnuŭsia z-za miažy, — za kamientary z 2020 hoda. Raskazvajem, jak jaho znajšli

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
4
Панылы сорам
2
Ха-ха
4
Ого
3
Сумна
201
Абуральна
34
0
Tamara/adkazać/
07.01.2023
Spačuvańni rodnym! Škada chłopca( Niachaj Boh daść jamu viečnaje žyćcio ŭ śviatle Svajho abličča!
1
Avers&Revers/adkazać/
07.01.2023
A vy hovoritie, čto nado ždať suda.... Tie, kto intieriesien budiet na sudie, tie podoždut! A na kom takoje - dołžny otvietiť SIEHODNIA biez suda!
1
nie taki jak jość/adkazać/
08.01.2023
"Mirny pratest nie pamyłka, inakš by ludzi pamirali" (S) - tak zdajecca kazali. Śvietłaja pamiać hieroju, škada što nie dažyŭ
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031