Znajści
Ałharytmičny łacinski varyjant
09.01.2023 / 23:321RusŁacBieł

Trend na vydaleńnie tłušču sa ščok zachoplivaje sacyjalnyja sietki

U sacsietkach raście cikavaść da vydaleńnia tłuščavych padušačak u ščokach. Raspaviadajem, što heta takoje i što treba viedać pra padobnuju apieracyju.

Fota: instahram-akaŭnt leamichele

Kali vy pahladzicie ŭ lusterka, smokčučy niejki napoj praz sałominku, to možacie ŭbačyć, jak by vyhladali, kali b navažylisia na apieracyju pa vydaleńni bukalnaha tłušču. Bukalny (ščočny) tłušč uklučaje nievialikija tłuščavyja paduški ŭ nižniaj častcy ščok. Vydaleńnie jaho — adnosna chutkaja pracedura; i ŭsio bolš ludziej navažvajecca na hetuju apieracyju ŭ nadziei, što ich tvar stanie bolš vyraznym i simpatyčnym.

Kamientary i videa pra hetuju kaśmietyčnuju praceduru źjavilisia ŭ sacyjalnych sietkach, vyklikanyja dyskusijami pra toje, ci schudnieli ščoki roznych znakamitaściaŭ. U TikTok chešteh #buccalfatremoval za niekalki apošnich tydniaŭ śniežnia sabraŭ užo bolš za 160 miljonaŭ prahladaŭ.

#buccalfatremoval

Sapraŭdny vybuch u sacsietkach pačaŭsia paśla taho, jak aktrysa Lea Mišel apublikavała ŭ Instagram svoj fotazdymak, na jakim demanstruje svaje reljefnyja ščoki. Pry hetym jana nie zhadvała pra praceduru ŭ svaim paviedamleńni i nie kamientavała zdahadki. A voś viadomaja ŭ ZŠA madel i televiadučaja Krysi Tejhien pryznałasia, što ŭ minułym hodzie vydaliła svoj ščočny tłušč.

Dyskusija padšturchnuła mnohich ludziej pačać dzialicca svaimi historyjami. Adna maładaja žančyna raspaviała, što zrabiła hetuju praceduru, tamu što zaŭsiody adčuvała, što jaje kruhły tvar nie padychodzić da jaje minijaciurnaha ciełaskładu. Inšyja, chto zadavoleny praceduraj, dzielacca fotazdymkami da i paśla ŭ TikTok.

Ale šerah videa ŭ TikTok taksama pieraścierahaje ad pracedury. Tłušč na ščokach nie moža adnaŭlacca, i kali ludzi starejuć i naturalnym čynam hublajuć tłušč z tvaru, to ŭ vyniku ŭ ich zapadańnie ščok moža nadać źniamohły, niezdarovy vyhlad tvaru. The Washington Post uziała intervju ŭ niekalkich płastyčnych chirurhaŭ nakont hetaj pracedury — i voś što jany skazali.

Što takoje bukalny tłušč i čamu niekatoryja ludzi pazbaŭlajucca jaho?

Va ŭsich jość ščočny tłušč, jon znachodzicca pamiž skułami i skivicami i stvaraje kontury tvaru. Pamier jaho zaležyć nie ad vahi čałavieka, a ad hienietyki, uzrostu i formy tvaru.

Pa mierkavańni niekatorych płastyčnych chirurhaŭ, vydaleńnie hetaha tłušču robić tvar pacyjentaŭ bolš vyraznym i pryvabnym, u toj ža čas kontur tvaru ŭ formie serca stanovicca bolš papularnym u sacsietkach. 

Jak vydalajecca ščočny tłušč?

Bukalny tłušč vydalajuć pad miascovaj aniestezijaj, a ŭsia pracedura zajmaje mienš za hadzinu. Z unutranaha boku ščaki robicca piacimilimietrovy razrez, praź jaki chirurh vydalaje tłušč. Časta lekar moža pakinuć častku tłušču, kab pacyjent nie vyhladaŭ źniasilenym.

Čamu rekamiendujuć zachoŭvać svoj bukalny tłušč?

Z pryčyny taho, što kolkaść ščočnaha tłušču ŭ ludziej moža być roznaja, ludzi, jakija ad pryrody majuć jaho vielmi mała, z časam mohuć pačać vyhladać «źniamohłymi». Jašče adna pryčyna zaklučajecca ŭ tym, što pry zachavańni svaich ščok niekranutymi možna bolš doŭhi čas vyhladać maładziej, kažuć śpiecyjalisty.

Ci jość ryzyka?

Lubaja apieracyja niasie peŭnuju ryzyku. Amierykanskaje tavarystva płastyčnych chirurhaŭ papiaredžvaje, što ŭ dadatak da ryzyki, źviazanaj z aniestezijaj, paśla vydaleńnia bukalnaha tłušču isnuje ryzyka ŭźniknieńnia infiekcyi, paškodžańnia ślinnaj pratoki abo nierva tvaru, što pryvodzić da časovaj abo pastajannaj myšačnaj słabaści, zdranćvieńnia abo źmieny adčuvalnaści, praciahłych bolaŭ, acioku, drennaha hajeńnia i asimietryi tvaru.

Inšaja mahčymaja ryzyka — škadavańnie. Bukalny tłušč nie rehienierujecca, tamu nazad darohi niama.

Krytyki tendencyi adznačajuć, što zališniaja ŭvaha i šumicha vakoł ščok dasyłaje maładym ludziam tryvožnaje paviedamleńnie: tolki chudyja, źniamohłyja tvary pryvabnyja.

Niekatoryja navukoŭcy nazyvajuć vydaleńnie bukalnaha tłušču prosta jašče adnoj prajavaj šyroka raspaŭsiudžanaj baraćby z atłuścieńniem, jakaja pranizvaje ŭsio hramadstva, i źviazvajuć trend z tym, što sučasnaja kultura ŭzvyšaje chudziznu i asacyiruje jaje z pryvabnaściu, dyscyplinaj, pracavitaściu, zdaroŭjem.

Śpiecyjalisty bačać hałoŭnuju ryzyku hetaj pracedury ŭ tym, što industryja pryhažości i kaśmietałohii sama stvaraje prablemu i potym šukaje jaje rašeńnie, a heta asabliva škodna dla maładych ludziej, bo prymušaje ich nie prymać siabie, a šukać rašeńni nieisnujučych prablem.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Sašok/adkazać/
10.01.2023
Izvraščenije kakojeta...
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera