Apple źbirajecca vypuścić noŭtbuk z sensarnym dysplejem
Kampanija Apple pracuje nad noŭtbukam z sensarnym dysplejem. Pieršy taki kampjutar źjavicca ŭ 2025 hodzie.
Navinku prezientujuć jak častku maštabnaha abnaŭleńnia MacBook Pro. Užo idzie praca nad prajektam hadžeta, ale jaho vytvorčaść pakul nie zapuščana.
Bolš za 10 hadoŭ Apple adkidała ideju vypuścić noŭtbuk z sensarnym ekranam. U kampanii zajaŭlali, što dastatkova płanšetaŭ iPad, a ŭ svoj čas Styŭ Džobs i zusim raskrytykavaŭ ideju, nazvaŭšy jaje «žudasnaj z erhanamičnaha punktu hledžańnia».
Zrešty, u kampanii dahetul nie ŭpeŭnienyja, što MacBook z sensarnym ekranam nie ŭdaryć pa prodažach iPad. Ale źmianić staŭleńnie da takich hadžetaŭ vyrašyli z-za kankurentaŭ, jakija ŭžo dadajuć sensarnyja ekrany ŭ svaje noŭtbuki.
Miarkujuć, što pieršy «jabłyčny» noŭtbuk z sensarnym ekranam vypuściać u tradycyjnym dyzajnie, pry hetym ekran budzie padtrymlivać sensarny ŭvod.
