Padalak prakamientavaŭ vychad materyjału pra zabitaha SBU Dzianisa Kirejeva
Učora ŭ Wall Street Journal vyjšaŭ rezanansny materyjał pra bankira Dzianisa Kirejeva. U pieršyja dni vajny jon udzielničaŭ u pieramovach Ukrainy i Rasii, ale ŭ sakaviku byŭ zabity Słužbaj biaśpieki Ukrainy. U toj ža čas kiraŭnik vajskovaj raźviedki Ukrainy Kirył Budanaŭ nazvaŭ Kirejeva čałaviekam, dziakujučy jakomu ŭdałosia vyratavać Kijeŭ.
Zabojstva Kirejeva, na dumku daradcy kiraŭnika Ofisa Zialenskaha Michaiła Padalaka, stała vynikam błytaniny pieršych dzion vajny i niaŭzhodnienaj pracy śpiecsłužbaŭ.
«Jaho zabojstva źviazanaje z tym, što nie było adzinaj kaardynacyi pamiž siłavymi strukturami. Byli peŭnyja pretenzii da jaho z adnaho boku, z druhoha nie paśpieli hetyja pretenzii ŭrehulavać u dyjałohavym farmacie. Heta nie źviazana ź pierahavornym pracesam jak takim. Jon nie źjaŭlaŭsia ahientam Rasii, biassprečna», — skazaŭ Padalak u intervju łatvijskim ŚMI.
Čytajcie taksama:
WSJ: Słužba biaśpieki Ukrainy zabiła čałavieka, bieź jakoha «Kijeŭ by ŭziali»
Vajennaja raźviedka Ukrainy: Zabity člen pierahavornaj hrupy Dźmitryj Kirejeŭ byŭ raźviedčykam i zahinuŭ na zadańni
