Ministr zamiežnych spraŭ Irana: My nie pryznajom anieksiju Kryma i inšych rehijonaŭ Ukrainy
Ministr zamiežnych spraŭ Irana Chasiejn Amir Abdałachijan u intervju tureckamu telekanału TRT World vyrazna akreśliŭ pazicyju Irana ŭ dačynieńni da mahčymaści pryznańnia anieksavanych Rasijaj terytoryj Ukrainy, pieradaje «Svaboda».
Chasiejn Amir Abdałachijan
«My pryznajom suvierenitet i terytaryjalnuju cełasnaść krain u ramkach mižnarodnych zakonaŭ, tamu, niahledziačy na vydatnyja adnosiny pamiž Tehieranam i Maskvoj, my nie pryznali adździaleńnie Kryma, Łuhanskaj i Danieckaj abłaściej ad Ukrainy», — zajaviŭ Abdałachijan.
Jon taksama skazaŭ, što ŭłady Irana nastojvajuć na svaim «paśladoŭnym pryncypie» ŭ źniešniaj palitycy.
«Kali my kažam, što kanflikt va Ukrainie — heta nie rašeńnie, my vierym u svaju pazicyju jak u fundamientalny palityčny pryncyp», — dadaŭ ministr.
https://dcsfxzu8xls6u.cloudfront.net/307978