Minzdaroŭja źmianiła praviły vakcynacyi suprać COVID-19
Minzdaroŭja vydała dakumient, jaki mianiaje praviły vakcynacyi ad COVID-19. Što było z hetym raniej i jak budzie ciapier, razabrała «Zierkało».
Bustarnaja vakcynacyja pa-raniejšamu pravodzicca praz šeść i bolš miesiacaŭ šlacham uviadzieńnia adnoj dozy vakcyny. Ale ciapier jaje možna rabić z 5 hadoŭ (raniej było tolki z 18 hadoŭ).
Raniej dla bustarnaj vakcynacyi vykarystoŭvali tolki vakcyny «Sputnik V» i «Sputnik Łajt» — lubym z kampanientaŭ biez čarhavańnia i niezaležna ad taho, jaki preparat kałoli raniej. Ciapier ža dla bustarnaj vakcynacyi možna vykarystoŭvać lubyja dastupnyja vakcyny, dapuščalnyja da vykarystańnia z ulikam uzrostu i (suprać)pakazańniaŭ pacyjenta.
Raniej u instrukcyi było asobna prapisana, što ciažarnym i kormiačym žančynam pry bustarnaj vakcynacyi staviać kitajskuju vakcynu «Sinafarm» ci inšy preparat, ale nie «Sputnik V» i «Sputnik Łajt». Ciapier heta abmiežavańnie źniata.
Što ž datyčyć asnoŭnaj (pieršasnaj) vakcynacyi, to raniej dziaciej da 18 hadoŭ pryščaplali tolki «Sinafarmam», a ciapier nijakich dadatkovych abmiežavańniaŭ niama — akramia abmiežavańniaŭ samich preparataŭ u adpaviednaści ź ich instrukcyjaj.
Akramia taho, ciapier dazvolena rabić pryščepku ad karanavirusa ŭ adzin dzień razam ź inšymi pryščepkami pa kalendary vakcynacyi i epidemičnych pakazańniach, vykonvać dvuchtydniovy intervał bolš nie treba (tolki kali heta nie prapisana ŭ instrukcyi da preparata). Nielha tolki sumiaščać pryščepku ad kavidu z žyvymi vakcynami.
Čytajcie taksama:
Kašal — nie adziny simptom. Voś što viadoma pra krakien, samy zarazny štam kavidu
Minzdaroŭja: Štam «krakien» u Biełaruś jašče nie pryjšoŭ, bolšaść chvareje na hryp
Što viadoma ab novym varyjancie Covid XBB.1.5
