«Haryzont» pakazaŭ prazrysty televizar «paślazaŭtrašniaha dnia»
Na vystavie «Biełaruś intelektualnaja» pakazali prazrysty televizar. Hiendyrektar «Haryzonta» Juryj Pradko nazvaŭ jaho technałohijaj «paślazaŭtrašniaha dnia».
«Heta technałohii paślazaŭtrašniaha dnia. Takija televizary źjaviacca ŭ šyrokaha koła spažyŭcoŭ na praciahu, moža być, dziasiatka hadoŭ. Siońnia my vyrablajem takija televizary pad zamovu, u ich kamiercyjnaja cana. Razhladajecca ich vykarystańnie ŭ aŭtamabilach premium-kłasa ŭ jakaści pieraharodki pamiž kiroŭcam i pasažyram. Adnačasova i prazrystaje škło-raździalalnik, i ekran, ź jakoha možna hladzieć, naprykład, naviny», — kaža Pradko.
Ni charaktarystyki, ni canu Pradko nie nazvaŭ.
Taksama jon paabiacaŭ, što «Haryzont» vypuścić hulniavyja noŭtbuki. Łukašenka zapatrabavaŭ ad jaho pavialičyć łakalizacyju da 70%.
