Znajści
Ałharytmičny łacinski varyjant
30.01.2023 / 22:13RusŁacBieł

«Tekstavaja šyja». Šmat času siadzicie za kampjutaram i śpina pačynaje heta adčuvać? Padkazvajem, jak z hetym zmahacca 

Ekśpierty nazyvajuć «tekstavaj šyjaj» sutułuju pastavu, jakaja farmirujecca ŭ ludziej, jakija ceły dzień siadziać za kampjutaram ci ŭ telefonie. 

Fota: vecteezy

Časopis Time vypuściŭ ceły artykuł z karysnymi paradami nakont taho, jak lepš za ŭsio zmahacca z nastupstvami siadziačaj pracy za kompjutaram.

Sutułaść upłyvaje na ŭvieś chrybiet i moža pryvieści da roznych chvarob. 

Hałava čałavieka važyć 10—12 kh, i kali trymać jaje prama, to zadziejničajecca mnostva myšc šyi i plačej. Hetyja myšcy z časam słabiejuć, kali čałaviek u takoj pozie pravodzić ceły pracoŭny dzień, a potym jašče paśla pracy doma, horbiačysia, praciahvaje zalipać u smartfon abo kampjutar.

Što ž rabić u takim vypadku? Jak paźbiehnuć niehatyŭnych nastupstvaŭ dla svajho zdaroŭja? Navukoŭcy adnahałosna rekamiendujuć — treba pravilna arhanizoŭvać svajo pracoŭnaje miesca. 

Kali čałaviek pravodzić bolšuju častku dnia pierad kampjutaram, to navat nievialikija niazručnaści buduć mieć nastupstvy. Hałoŭnaje — mieć mahčymaść zručna siadzieć i pracavać za kampjutaram, nie nachilajučysia napierad. Dla hetaha nieabchodna, kab manitor znachodziŭsia na pravilnaj vyšyni. Kali čałaviek siadzić prosta, adkinuŭšy hałavu nazad, uzrovień jaho vačej pavinien być na piać santymietraŭ nižej za vierchniuju častku manitora. U toj ža čas treba, kab pieradpleččy i ruki zručna lažali na stale, kali čałaviek pracuje.

Adnak z noŭtbukam pryniać takuju pozu składana: kali padymiecie jaho na ŭzrovień vačej — vašyja ruki buduć u niekamfortnym stanoviščy, a kali apuścicie jaho — budziecie nachilać hałavu ŭniz.

Tamu adna z karysnych parad u takoj situacyi — heta častaja źmiena pastavy. Taksama dapamahaje raściažka: adydzicie ad pracoŭnaha miesca, ściśnicie łapatki, pakrucicie plačyma, vyciahnicie šyju i apuścicie padbarodak.

Heta pavialičyć chutkaść ruchu kryvi i zadziejničaje tyja myšcy, jakija vy nie vykarystoŭvajecie, zasiedžvajučysia za kłavijaturaj.

Taksama ekśpierty adznačajuć, što ŭ vypadku, kali čałaviek pravodzić ceły dzień za rulom aŭtamabila, jaho siadzieńnie pavinna być u viertykalnym stanoviščy, što dazvolić hałavie znachodzicca nad šyjaj i plačami. Treba sačyć za pajaśnicaj i padtrymlivać jaje padčas praciahłych pajezdak. 

I narešcie, što rabić z telefonam i inšymi partatyŭnymi pryładami, kab paźbiehnuć takich niepryjemnych źjaŭ, jak «tekstavaja šyja»?

«Pasprabujcie padniać hetyja pryłady na ŭzrovień vačej, ale heta nierealna na praciahu bolš čym niekalkich chvilin. Možna prosta pasprabavać mienš imi karystacca. Heta, napeŭna, usio, što možna ŭ takoj situacyi zrabić», — padahulniajuć ekśpierty.

Čytajcie jašče:

Hielevy manikiur zdolny vyklikać rak

«Heta novaja norma». Jak sacsietki źmianiajuć mozh padletkaŭ — navukovaje daśledavańnie

Kašal — nie adziny simptom. Voś što viadoma pra krakien, samy zarazny štam kavidu

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera