Znajści
Ałharytmičny łacinski varyjant
06.03.2023 / 10:082RusŁacBieł

«Zmova siłavikoŭ»: chto tyja aficery, jakich sudziać razam z Prakopjevym

U hrupie, jakuju vinavaciać u sprobach padpału doma Hajdukieviča i addzieła milicyi, — namieśnik kamandzira atrada AMAPa dy inšyja byłyja siłaviki. Im pahražaje da 20 hadoŭ. Adnak samaje vostraje, zdajecca, jašče zastajecca nieprahavoranym.

Pra hetuju spravu ŭpieršyniu stała viadoma ŭ vieraśni 2021 hoda. Tady KDB adspravazdačyŭsia pra zatrymańnie siamji Vajciachovičaŭ z Barysava. Z ekranaŭ dziaržaŭnaha TB siłaviki zajavili, što Vajciachovičy sprabavali padpalić dom deputata Hajdukieviča i mašynu suddzi. Viadoma, što KDB doŭhi čas (jašče da ataki na dom Hajdukieviča) pilna sačyŭ za imi, ale zatrymaŭ ich tolki praź miesiac paśla.

Paśla stała viadoma, što ŭ toj ža dzień zatrymali kala 20 čałaviek. Značnaja ich častka — byłyja siłaviki, pryčym niekatoryja ź ich — z elitnych siłavych padraździaleńniaŭ.

Hetaja sprava pakazvaje, što ŭnutry siłavych struktur vyśpieła nie prosta niezadavolenaść dyktaturaj, ale i hatoŭnaść brać udzieł u baraćbie ź joju.

Miarkujučy pa składzie i padbory abvinavačanych, jany byli zdolnyja na samyja rašučyja dziejańni. Pra zatrymańnie siamji Vajciachovičaŭ paviedamlałasia publična, ale, miarkujučy pa tym, što ŭdałosia vyśvietlić «Našaj Nivie», nie jana była hałoŭnaj metaj apieracyi, u centry jakoj, mahčyma, byŭ ahient, infiltravany ŭ koła byłych siłavikoŭ, što — taksama mahčyma — byli źviazanyja ź biznesoŭcam-emihrantam Vadzimam Prakopjevym.

I amal ničoha pakul nieviadoma pra važnuju ŭ hetaj spravie postać byłoha amapaŭca Dźmitryja Ž. Hety čałaviek sam nie fihuruje ŭ materyjałach pra zaviadzieńnie materyjałaŭ kryminalnaj spravy suprać Vajciachovičaŭ, choć i adsiadzieŭ na «Amierykancy» 10 sutak. 

Siamja Vajciachovičaŭ

Volha i Vital Vajciachovičy. Fota: dissidentby.com i «Naša Niva»

Volzie Vajciachovič 48 hadoŭ. Jana była indyvidualnaj pradprymalnicaj i zarablała manikiuram. 55-hadovy Vital Vajciachovič pracavaŭ na vytvorčaści voknaŭ. 

Adna z prac Volhi. Fota: sacsietki Volhi Vajciachovič

Akramia darosłaj dački Kryściny i syna Uładzisłava (jany ciapier za kratami), u pary jość jašče adzin syn, jakomu ciapier 10 hadoŭ. Vital z-za krataŭ pisaŭ, što zatrymańnie žonki «stała dla jaho šokam». Sužency mocna pieražyvajuć praz toje, što ich małodšy syn budzie raści biez baćkoŭ.

Uładzisłaŭ z małodšym bratam, kali jašče byŭ kursantam Akademii MUS. Fota: sacsietki Volhi Vajciachovič

Uładzisłavu Vajciachoviču 27 hadoŭ, jon były milicyjant, słužyŭ u čaści 5448 unutranych vojskaŭ, jakaja znachodzicca na minskaj vulicy Majakoŭskaha. Dasłužyŭsia da kamandzira ŭzvoda.

Heta adna z elitnych čaściej minskaha śpiecnaza, jakaja, siarod inšaha, udzielničała ŭ zadušeńni pratestaŭ va ŭsie časy kiravańnia Łukašenki. Jany ž čaściakom patrulavali centr Minska i inšyja hramadskija miescy. Ale amal adrazu paśla vybaraŭ Uładzisłaŭ zvolniŭsia, bo «ciažka było znachodzicca ŭ takoj abstanoŭcy», piša Dissidentby.

Jahonaj žoncy Nastaśsi Vajciachovič 25 hadoŭ. Jana pracavała pradavačkaj u kramie zoatavaraŭ.

Uładzisłaŭ i Nastaśsia. Fota: «UKantakcie» / Uładzisłaŭ Vajciachovič

Vajciachovičaŭ vinavaciać u sprobie padpału doma siamji Hajdukieviča. Siarod abvinavačańniaŭ taksama niaŭdałaja sproba padpału lehkavika siłavika i namier padpalić vajskovuju čaść, ad jakoha jany admovilisia sami.

Vyhladaje, što na momant sproby padpału doma Hajdukieviča za imi ščylna naziraŭ KDB, jaki viedaŭ ichnija płany, ale samoha Hajdukieviča pra heta nie papiaredzili. 

Praŭładnyja prapahandysty śćviardžajuć pra vyklučna vysokuju niebiaśpieku dziejańniaŭ siamji, ale saramliva nie akcentujuć uvahu na tym, što čekisty całkam kantralavali dziejańni Vajciachovičaŭ — i nieviadoma, ci nie nakiroŭvali ich. Naprošvajecca anałohija sa spravaj AHSB.

Čytajcie taksama: «Sprava AHSB»: jak KDB arhanizoŭvaŭ «terakty»

Vajciachovičy nie zdoleli ničoha padpalić. Realnaja škoda ad ichnich dziejańniaŭ składaje paru dziasiatkaŭ rubloŭ.

Frahmient zdymak — kadebešniki zdymajuć uvieś praces sproby padpału doma Hajdukieviča. Skrynšot videa dziaržaŭnych ŚMI

Vajciachovičaŭ abvinavačvajuć pa šerahu artykułaŭ — kožnamu vystaŭlena ad troch da šaści. Usim čacviarym inkryminujuć «teraryzm», «zmovu z metaj zachopu dziaržaŭnaj ułady» i «ŭdzieł u ekstremisckim farmavańni», za što moža pahražać da 25 hadoŭ turmy.

Uładzimir Saviankoŭ, amapaŭski kamandzir

Uładzimir Saviankoŭ. Fota: «UKantakcie»

Uładzimir Saviankoŭ raniej byŭ namieśnikam kamandzira atrada AMAPa.

A taksama deputatam ad Puškinskaj vybarčaj akruhi №9 u ahraharadku Kałodziščy.

45-hadovaha mužčynu vinavaciać u sprobie padpału addzieła milicyi ŭ Frunzienskim rajonie Minska, jakaja adbyłasia 16 žniŭnia 2021 hoda (praz try dni paśla zatrymańnia Vajciachovičaŭ). Pad vartaj jon sa śniežnia 2021 hoda — admietna, što ź piaci čałaviek, pra zatrymańnie jakich tady adspravazdačyŭsia KDB, pad vartaj zastalisia tolki dvoje, adzin ź jakich nie ŭdzielničaŭ u padpale.

Mužčynu pahražaje da 20 hadoŭ turmy pa 2-j častcy artykuła 289 KK («Akt teraryzmu»).

Pavieł Čychinski, śledčy

Pavieł Čychinski. Fota: dissidentby.com

Pavieł Čychinski — 44-hadovy śledčy rodam z Baranavičaŭ. Paśla zakančeńnia BDU pracavaŭ u prakuratury Frunzienskaha rajona Minska, a paśla pierajšoŭ u Śledčy kamitet. Apošniaje miesca pracy — staršy śledčy ŭpraŭleńnia SK pa Minsku.

Jaho vinavaciać va ŭdziele ŭ «zmovie z metaj zachopu dziaržaŭnaj ułady» i «złoŭžyvańni słužbovymi paŭnamoctvami, jakija paciahnuli ciažkija nastupstvy». Heta da 12 hadoŭ źniavoleńnia.

Eduard Piastrak, instruktar 3214

Eduard Piastrak. Fota: «UKantakcie»

39-hadovy Eduard Piastrak treniravaŭ śpiecnaz u vajskovaj čaści 3214.

Piastrak prafiesijna zajmaŭsia adzinaborstvami. Z 2006 hoda sa sportu jon pryjšoŭ u milicyju, a z 2009 hoda — u AMAP. Dasłužyŭsia da inśpiektara pa prafpadrychtoŭcy.

hartajcie nižej, kab pračytać praciah

«Naša Niva» — bastyjon biełaruščyny

PADTRYMAĆ

Pra jaho stała viadoma dziakujučy źlitym zapisam prasłuchoŭki milicyjantaŭ, jakaja jość u «Kibierpartyzanaŭ».

Pa horkaj ironii, u zatrymańni ŭdzielničali jahonyja vučni, a paśla jaho zvolnili zadnim čysłom.

Piestraka vinavaciać pa častcy 3 artykuła 425 KK — «Biaździejańnie słužbovaj asoby, jakaja zajmaje vysokuju słužbovuju pasadu, abo jakoje paciahnuła ciažkija nastupstvy». Jamu pahražaje da 7 hadoŭ turmy.

Arciom Jarmak, jaki pakinuŭ krainu

Arciom Jarmak. Fota: «UKantakcie»

Arciom Jarmak — 35-hadovy były siłavik, jakoha abvinavacili ŭ tym, što jon «davaŭ parady Vajciachovičam pa padpałach».

Ale 30 listapada 2021 hoda mužčynu vyzvalili pad abaviazacielstva ab jaŭcy, i jon pakinuŭ krainu, piša Dissidentby.

«Naša Niva» praz supolnyja kantakty prasiła jaho pra adkazy na pytańni, ale zapyt zastaŭsia biez adkazu.

Vajskovy piensijanier Sakałoŭ

Aleh Sakałoŭ. Skrynšot z Youtube-kanała ATN

Aleh Sakałoŭ — 46-hadovy vajskovy piensijanier ź Lidy. Jaho aryštavali amal adrazu paśla zatrymańnia Vajciachovičaŭ. Zhodna ź infarmacyjaj KDB, mužčyna žyŭ na padpolnym stanoviščy, nie mieŭ mabilnaha telefona i prymaŭ vysokija zachady pa ŭłasnaj kanśpiracyi. Taksama mieŭ pry sabie zbroju. 

Z pres-reliza KDB vynikaje, što ździejśnić jon ničoha nie paśpieŭ, akramia taho, što zabraŭ niejkuju zbroju i schavaŭ jaje. Pa zajavie siłavikoŭ, Sakałoŭ rychtavaŭ siłavyja akcyi. KDB zaznačaje, što ŭ jaho «byli tyja ž zamiežnyja kuratary, što i ŭ Vajciachovičaŭ». Jamu pahražaje da 25 hadoŭ turmy pa šaści artykułach, siarod jakich taksama «teraryzm».

29-hadovaja supracoŭnica hatela «Jeŭropa»

Volha Pietuch. Fota: «UKantakcie»

Volha Pietuch — 29-hadovaja ŭradženka Homielščyny, jakaja pracavała ŭ minskim hateli «Jeŭropa».

Ź jaje listoŭ i ad byłych sukamiernic viadoma, što na jaje mocna cisnuli ŭ SIZA i časta padsadžvali ludziej, jakija sprabavali daviedacca ad jaje toje, pra što jana ničoha nie viedaje. Vinu jana admaŭlaje całkam. Joj pahražaje da 20 hadoŭ turmy pa piaci kryminalnych artykułach.

Hruzčyk ź Minska

Dzianis Fiłončyk — 39-hadovy hruzčyk ź Minska. Z žonkaj u ich dvoje dziaciej. Zatrymany pa spravie sproby padpału haradskoha addzieła milicyi razam z Saviankovym, ale da padpału niedatyčny. Vinavaciać jaho ŭ «zmovie z metaj zachopu dziaržaŭnaj ułady» i «ŭdziele ŭ ekstremisckim farmavańni». 

Minčuk, jaki dapamahaŭ siłavikam uładkoŭvacca

Siarhiej Lisoŭski. Fota: «Adnakłaśniki»

Siarhiej Lisoŭski — 46-hadovy minčuk. Pracavaŭ u kampanii Eurocar, jakaja zajmałasia zdačaj aŭtamabilaŭ u arendu i pieravozkami. Siarhiej pierakonvaŭ siłavikoŭ, jakija vahalisia, što varta zvolnicca sa słužby, a taksama dapamahaŭ im ź pierajezdam u inšyja krainy i pošukam pracy.

Jaho vinavaciać pa šaści artykułach Kryminalnaha kodeksa, jamu pahražaje da 25 hadoŭ turmy.

Dyrektar Eurocar i «Bieleŭrarent»

Fota: naviny.by

Dźmitryj Nieviarkievič — 40-hadovy minčuk, dyrektar kampanij pa pieravozkach i arendzie aŭto Eurocar i «Bieleŭrarent».

Jaho zatrymlivali ŭ listapadzie 2020 hoda za ŭdzieł u akcyjach pratestu. Dźmitryja abvinavačvajuć u «zmovie z metaj źviaržeńnia dziaržaŭnaj ułady», udziele ŭ «ekstremisckim farmiravańni» i ŭchileńni ad padatkaŭ, jamu pahražaje da 12 hadoŭ turmy.

Roj, Jurkievič, Michajłaŭ

Mikałaj Roj. Fota: dissidentby.com

Jašče pra traich fihurantaŭ nie viadoma amal ničoha, ale ŭsie jany, pisali dziaržaŭnyja ŚMI, pad vartaj. Heta 41-hadovy Mikałaj Roj (vinavaciać pa troch artykułach, siarod jakich «udzieł u zmovie z metaj zachopu dziaržaŭnaj ułady»), Piatro Jurkievič (taksama try artykuły i «ŭdzieł u zmovie») i Alaksiej Michajłaŭ (vinavaciać u niedaniasieńni).

Tyja, suprać kaho zakryli spravu

Taksama jość šerah ludziej, ź jakich faktyčna źniali abvinavačvańni. Akramia zhadanaha vyšej Jermaka, heta siamja Volhi i Alaksandra Podźka ź Minska (abodva prasiadzieli 4 miesiacy ŭ SIZA KDB, Volha asudžanaja na 3 hady «chatniaj chimii» za ŭdzieł u pratestach), pracaŭnik sałona Peugeot ź Minska Dźmitryj Morhal (pra los ničoha nie viadoma, z sacsietak całkam źnik), 53-hadovy Andrej Bujakievič (vyzvaleny ź SIZA KDB praź niekalki miesiacaŭ) i dvoje svajakoŭ Hurskich (zatrymanyja 27 žniŭnia, paźniej źnikli sa śpisaŭ abvinavačvanych).

Tyja, kaho sudziać zavočna

Vadzim Prakopjeŭ

Vadzim Prakopjeŭ — 51-hadovy były minski restaratar, ciapier — hramadski dziejač, palityk i błohier. Adzin z arhanizataraŭ pałka «Pahonia», čalcy jakoha vajuiuć va Ukrainie.

Ihar Čamiakin. Fota: «UKantakcie»

Ihar Čamiakin — 31-hadovy były aficer «Ałmaza».

Ën zvolniŭsia sa śpiecpadraździaleńnia paśla taho, jak «Ałmazu» dali zahad zatrymać Kaleśnikavu. Paśla zvalnieńnia vyjechaŭ va Ukrainu.

Čytajcie bolš: Plunuŭ na režym paśla zahadu zatrymać Kaleśnikavu. Kapitan «Ałmaza», jaki pierajšoŭ na bok naroda, — chto taki Ihar Čamiakin

Dzianis Chamicevič — 40-hadovy były siłavik. U 2008 hodzie zvolnieny. Byŭ supracoŭnikam 8-ha ŭpraŭleńnia Departamienta achovy, jakoje śpiecyjalizujecca na achovie asabliva važnych abjektaŭ.

Usich traich abvinavačvajuć pa ciažkich i asabliva ciažkich artykułach. Im pahražaje da 25 hadoŭ zavočna.

«Naša Niva» praz supolnyja kantakty prasiła jaho pra adkazy na pytańni. Ën admoviŭsia, ale paabiacaŭ dać infarmacyju paźniej.

Što abjadnoŭvaje hetych ludziej?

Suviazi miž asobnymi ŭdzielnikami hrupy nie vidavočnyja, ale źviartaje ŭvahu, što ich źviazvaje prysutnaść u adnoj spravie ź biznesoŭcam-emihrantam i rašučym krytykam dyktatury Vadzimam Prakopjevym.

Pa źviestkach našaj krynicy, častku ludziej abjadnoŭvali niepasrednyja kantakty z Vadzimam Prakopjevym, a niekatorych — udzieł u adnych čatach z tymi, chto kantaktavaŭ ci płanavaŭ akcyi. Tyja, kaho vinavaciać u «biaździejnaści» i «niedaniasieńni», imavierna, viedali kahości z abvinavačvanych, ale nie vydali ich.

Miarkujučy pa ŭsim, bolšaść fihurantaŭ spravy byli nie znajomyja miž saboj.

Miarkujučy pa asobnych viadomych «Našaj Nivie» faktach, važnaja postać u spravie — były amapaviec Dźmitryj Ž. Na hety momant ciažka skazać, ci jon byŭ infiltravany ŭ hetuju hrupu, ci ŭ niejki momant zastrašyŭsia i pryjšoŭ u śpiecsłužby z pavinnaj. Viadoma, što hety čałaviek sam nie fihuruje ŭ materyjałach pra zaviadzieńnie materyjałaŭ kryminalnaj spravy suprać Vajciachovičaŭ, choć i adsiadzieŭ na «Amierykancy» 10 sutak. 

Sud nad 18-ciu fihurantami spravy pačniecca nieŭzabavie. Mahčyma, tady źjavicca bolej jasnaści, jakim mienavita čynam KDB źviazaŭ hetych ludziej.

Vadzim Prakopjeŭ, da jakoha źviarnułasia «Naša Niva», ad kamientara admoviŭsia.

Pry napisańni artykuła vykarystoŭvalisia źviestki, sabranyja našymi reparciorami i Dissidentby.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Prod/adkazać
07.02.2023
Orhanizatorom zahovora kak vsiehda był KHB, a vnizu piramidy tie koho možno posadiť?
1
Čocholskij/adkazać
07.02.2023
V odnu priestupnuju hruppu možno obiediniť i žuka ,i absolutno ciełomudriennuju žabu.Čto mienia v etom riadie vmieniajemych priestuplenij śmiešit ,tak eto nieudavšiiesia podžohi avtomobilej. A hłavnaja pričina ,na moj vzhlad ,otkryto projavlennaja niełojalnosť.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
1234
567891011
12131415161718
19202122232425
2627282930