Znajści
Ałharytmičny łacinski varyjant
26.01.2023 / 09:582RusŁacBieł

Sudziać jašče adnaho dahetul nieviadomaha vysokapastaŭlenaha siłavika z AAC

Jak vyśvietliła «Naša Niva», Alaksandr Davidziuk słužyŭ u čaści № 08188 Apieratyŭna-analityčnaha centra (AAC) u zvańni padpałkoŭnika ci pałkoŭnika.

U Minskim haradskim sudzie sudździa Śviatłana Bandarenka, jakaja viała šmatlikija palityčnyja pracesy, ciapier sudzić niejkaha Alaksandra Michajłaviča Davidziuka. 

My źviarnuli ŭvahu na hety praces praź niezvyčajny nabor artykułaŭ, jaki moža ŭkazvać na sud nad siłavikom, jaki pryniaŭ bok hramadstva. 

Mužčynu abvinavačvajuć pa art. 179 č. 1 (niezakonny zbor abo raspaŭsiud infarmacyi pra pryvatnaje žyćcio), art. 375 č. 2 (naŭmysnaje razhałošvańnie słužbovaj tajamnicy), art. 455 č. 1 i č. 2 (złoŭžyvańnie ŭładaj), art. 430 č. 3 (atrymańnie chabaru) KK Biełarusi. 

Inšymi słovami, jaho abvinavačvajuć u tym, što jon za ŭznaharodžańnie pieradaŭ sakretnuju infarmacyju, jakaja datyčyła niejkich asob. 

Jakoj infarmacyjaj jon moh vałodać? My vyśvietlili, što pa stanie na 2020 hod taki čałaviek słužyŭ u čaści № 08188 Apieratyŭna-analityčnaha centra (AAC). Imavierna, Alaksandr Davidziuk maje zvańnie padpałkoŭnika ci pałkoŭnika. 

Ale detalaŭ kryminalnaj spravy my nie viedajem, a ŭ zdahadcy abapirajemsia tolki na toj fakt, što raniej śpiecsłužbistaŭ, jakija padtrymali hramadstva i pieradavali jamu infarmacyju, sudzili pa padobnych artykułach.

Raniej za padtrymku ruchu za svabodnyja vybary suprać dyktatury ŭ 2020-m byli asudžanyja aficery Hienštaba Uzbrojenych Siłaŭ, Kamiteta dziaržaŭnaj biaśpieki, Ministerstva ŭnutranych spraŭ, vysokapastaŭlenyja supracoŭniki ci vychadcy sa Śledčaha kamiteta i prakuratury. Kali naša dapuščeńnie adnosna Davidziuka paćvierdzicca, heta budzie pieršy taki viadomy vypadak z Apieratyŭna-analityčnaha centra.

Kali vy viedajecie na hetuju temu bolš, pišycie redaktaru «Našaj Nivy» ŭ TH @nn_editor, na [email protected] ci [email protected]. Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).

«Naša Niva» — bastyjon biełaruščyny

PADTRYMAĆ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
daviedka/adkazać/
26.01.2023
Vierojatnieje vsieho k niesankcionirovannomu zavładieniju viedomstviennymi bazami MVD pričastny tiechnari OAC.
0
2 daviedka/adkazać/
26.01.2023
Michałyč nikakoho otnošienija k vyčtiechnikie nie imieł
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera