$1,6 miljona tolki na Pinsk. Miascovyja biudžety na abaronu i mabilizacyjnuju padrychtoŭku vyraśli ŭ piaci z šaści abłaściej
Abaronnyja biudžety asobnych haradoŭ pavialičylisia ŭ dziasiatki razoŭ, źviartaje ŭvahu motolko.help.
U studzieni tradycyjna adbyvajecca publikacyja rašeńniaŭ miascovych Savietaŭ deputataŭ «Ab zaćviardžeńni biudžetaŭ na 2023 hod». Pakul jašče apublikavanaja tolki małaja častka hetych dakumientaŭ, adnak užo prasočvajecca cikavaja zakanamiernaść.
Možna adznačyć nastupnyja źmieny vydatkaŭ u miascovych biudžetach pa artykułach «Nacyjanalnaja abarona» i «Zabieśpiačeńnie mabilizacyjnaj padrychtoŭki i mabilizacyi» ŭ paraŭnańni z 2022 hodam (kurs Nacbanka na 25.01.2023)».
Biudžet Bresckaj vobłaści: 2022 hod — 1 392 400 rubloŭ ($530 397); 2023 hod — 1 636 407 rubloŭ ($623 345). Rost na 17,5%.
Biudžet Homielskaj vobłaści: 2022 hod — 2 301 853 rubli ($876 829); 2023 hod — 2 837 769 rubloŭ ($1 080 972). Rost na 23%.
Biudžet Viciebskaj vobłaści: 2022 hod — 1 752 556 rubloŭ ($667 589); 2023 hod — 1 832 051 rubiel ($697 871). Rost na 5%.
Biudžet Mahiloŭskaj vobłaści: 2022 hod — 1 560 467 rubloŭ ($594 418); 2023 hod — 9 368 869 rubloŭ ($3 568 821). Rost na 500% (u 6 razoŭ).
Heta rekordnaja suma siarod usich razhledžanych biudžetaŭ.
Biudžet Minskaj vobłaści: 2022 hod — 1 110 852 rubli ($423 149); 2023 hod — 1 580 101 rubiel ($601 897). Rost na 42%.
Pry hetym abvalnaje skaračeńnie (na 42%) vydatkaŭ na mabilizacyju i mabilizacyjnuju padrychtoŭku adbyłosia ŭ biudžecie Hrodzienskaj vobłaści: 2022 hod — 1 212 407 rubloŭ ($461 834); 2023 hod — 651 693 rubli ($248 245).
A voś jak vyhladaje situacyja pa asobnych haradach i rajonach.
Biudžet horada Minska: 2022 hod — 1 587 427 rubloŭ ($604 688); 2023 hod — 1 959 359 rubloŭ ($746 365). Rost na 23%.
Biudžet Asipovickaha rajona Mahiloŭskaj vobł.: 2022 hod — 2 124,42 rubla ($809); 2023 hod — 201 000 rubloŭ ($76 565). Rost na 9361% (u 95 razoŭ).
Biudžet Čavuskaha rajona Mahiloŭskaj vobł.: 2022 hod — 1 350,77 rubla ($514); 2023 hod — 210 530 rubloŭ ($80 195). Rost na 15486% (u 156 razoŭ).
Biudžet Słuckaha rajona Minskaj vobł.: 2022 hod — 62 196 rubloŭ ($23 691); 2023 hod — 126 100 rubloŭ ($48 034). Rost na 103% (u 2 razy).
Biudžet horada Pinska Bresckaj vobł.: 2022 hod — 156 000 rubloŭ ($59 424); 2023 hod — 4 367 700 rubloŭ ($1 663 758). Rost na 2700% (u 28 razoŭ).
Charakterna, što zapłanavanyja vydatki Pinska na nacyjanalnuju abaronu bolšyja ŭ 2 razy, čym u Minsku (stalicy i samym vialikim horadzie Biełarusi).
Kudy iduć hetyja hrošy?
Artykuł vydatkaŭ miascovaha biudžetu «Zabieśpiačeńnie mabilizacyjnaj padrychtoŭki i mabilizacyi» vykarystoŭvajecca, naprykład, dla:
— finansavańnia raschodaŭ, źviazanych z materyjalna-techničnym i finansavym zabieśpiačeńniem vajskovaabaviazanych, pryzvanych na vajskovyja zbory terytaryjalnych vojskaŭ (pry ich praviadzieńni kiraŭnikami miascovych orhanaŭ ułady);
— zabieśpiačeńnia funkcyjanavańnia vajskovych kamisaryjataŭ i inš.
Što heta moža značyć? Pakul nie varta rabić jakich-niebudź zaŭčasnych vysnoŭ, bo jašče niama poŭnaj infarmacyi (nie apublikavanyja biudžety bolšaści haradoŭ i rajonaŭ).
«Małavierahodna, što pavieličeńnie vydatkaŭ źviazana z płanami praviadzieńnia mabilizacyi ŭ Biełarusi, bo ŭ niekatorych rehijonach vydatki miascovych biudžetaŭ na mabilizacyjnuju padrychtoŭku i mabilizacyju, naadvarot, skaračajucca ci ž zastajucca bieź istotnych źmien.
Samo pavieličeńnie vydatkaŭ moža śviedčyć, naprykład, ab płanach pa pavieličeńni kolkaści vučeńniaŭ i trenirovak z vojskami terytaryjalnaj abarony, raźvićci miascovaj vajskovaj infrastruktury, zakupcy ryštunku i abstalavańnia i h. d.», — adznačajuć aŭtary artykuła na motolko.help.
Charakterna, što pavieličeńnie vydatkaŭ rajonnych biudžetaŭ na mabilizacyjnuju padrychtoŭku i mabilizacyju adbyvajecca jak u rehijonach, dzie dysłakujucca vajskovyja čaści US Biełarusi (naprykład, u Asipovickim rajonie dysłakujucca try rakietna-artyleryjskija bryhady, skład bojeprypasaŭ i baza zachoŭvańnia techniki suviazi; u Słuckim — čyhunačnaja bryhada), tak i ŭ rehijonach, dzie niama častak UVS Biełarusi (naprykład, horad Pinsk, dzie dysłakujecca tolki Pinski pamiežny atrad).
Nie varta zabyvać pra inflacyju, jakaja mahła paŭpłyvać na pavieličeńnie artykuła vydatkaŭ na mabilizacyjnuju padrychtoŭku i mabilizacyju ŭ miascovych biudžetach. Taksama varta pamiatać i ab istotnym pavieličeńni abaronnaha biudžetu na 2023 hod.
