Na płoščy Pieramohi ŭ Minsku pradajecca kvatera teledzivy Eleanory Jazierskaj. Kolki kaštuje?

Eleanora Jazierskaja — aktrysa, tele— i radyjoviadučaja. Jaje nazyvajuć adnoj z samych ekstravahantnych žančyn biełaruskaha TB. Jazierskaja naradziłasia ŭ 1946 hodzie i ŭsio žyćcio pražyła ŭ Minsku. Jaje hołas biełarusy viedali pa «Sałonie Eleanory Jazierskaj», jaki vychodziŭ na BT u 90-ch, cykle aŭtarskich pieradač «Žančyny XX stahodździa» na STB i pieradačach na radyjo «Mir».

Eleanora Jazierskaja pamierła ŭ 2014 hodzie, joj było 67 hadoŭ.

U 2015 hodzie kvateru pradavali ŭ zychodnym vyhladzie, z rečami Jazierskaj za 140 tysiač dalaraŭ, ale pakupnik, miarkujučy pa ŭsim, nie znajšoŭsia.

Tak kvatera vyhladała pry žyćci Eleanory Jazierskaj

— Antykvarny hadzińnik u haścinaj, darahi miejsienski sierviz, fatahrafii ŭ pryhožych ramkach i jašče šmat-šmat rečaŭ, jakija robiać prosta kvateru raskošnym prystankam sapraŭdnaj dzivy, — tak dziesiać hadoŭ tamu apisvaŭ kvateru Jazierskaj tio.by.

Ciapier u kvatery zrabili ramont, rečy vyvieźli.

Heta pustaja dvuchpakajoŭka ź biełymi ścienami, parkietam i plitkaj na padłozie. Kvatera znachodzicca na druhim paviersie cahlanaj piacipaviarchoŭki na praśpiekcie Niezaležnaści, 35.

Heta zaŭvažny dom na płoščy Pieramohi z kramaj «Ščodry». Uvachod u padjezd — z vulicy, a nie z dvara. Na hety momant, darečy, źviartała ŭvahu i sama Eleanora Jazierskaja, raskazvajučy pra svaju kvateru.

Płošča kvatery — 61 kv. m, cana — kala 120 tysiač dalaraŭ.

Čytajcie taksama:

Praviły žyćcia ad Eleanory Jazierskaj

Navumčyk: Jazierskaja zastaniecca ŭ historyi aŭtaram vyrazu «Zakat nad bołotom»

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

11

14

9

6

20

8