Iharu Łosiku dazvolili listavacca z žonkaj Darjaj
Paśla prysudu, vyniesienamu dniami Darji Łosik, administracyja navapołackaj kałonii dazvoliła jaje mužu, palitźniavolenamu žurnalistu Iharu Łosiku listavacca ź joj, paviedamlaje «Radyjo Svaboda».
Darja Łosik pakazvaje fota muža
Viadoma, što Ihar Łosik napisaŭ žoncy ŭžo 6 listoŭ, ale pakul nieviadoma, ci dazvolili pierapisku Darji, jakaja dahetul zastajecca ŭ bresckim SIZA.
U sužencaŭ jość čatyrochhadovaja dačka Paŭlina, jakoj ciapier apiakujucca pa čarzie baćki Ihara i Darji. Dziaŭčynka niadaŭna pajšła ŭ dziciačy sad i vielmi sumuje pa baćkach. U Ihara ŭ minułyja vychadnyja pamior dziadula, tata jahonaj matuli.
Na minułym tydni Darju Łosik pakarali dvuma hadami źniavoleńnia z adbyvańniem u papraŭčaj kałonii va ŭmovach ahulnaha režymu za intervju pra jaje muža. Jaje abvinavacili pavodle art. 361-4 Kryminalnaha kodeksa («Sadziejničańnie ekstremisckaj dziejnaści»). 18 studzienia spoŭniłasia roŭna try miesiacy, jak palitźniavolenuju ŭtrymlivajuć za kratami.
Žurnalist «Svabody» Ihar Łosik za kratami bolš za dva hady — z 25 červienia 2020 hoda. U śniežni 2021-ha jaho asudzili na 15 hadoŭ pazbaŭleńnia voli ŭ kałonii ŭzmocnienaha režymu.
