Znajści
Ałharytmičny łacinski varyjant
27.01.2023 / 20:477RusŁacBieł

KDB unios suŭładalnika Wargaming u śpis «terarystaŭ»

Jahonaje imia źjaviłasia ŭ śpisie 3 studzienia. Siłaviki vinavaciać mužčynu ŭ «finansavańni terarystyčnaj dziejnaści». 

Mikałaj Kacałapaŭ. Fota ź jahonaha LinkedIn

Razmova pra 43-hadovaha Mikałaja «Nika» Kacałapava. Jon skončyŭ fizfak BDU, paśla ŭniviersiteta pajšoŭ pracavać u kampaniju InterVelopers, jakaja nieŭzabavie pačała supracoŭničać z «Varhiejminham». Z 2002 hoda Mikałaj pačaŭ kiravać raźvićciom biznesu ŭ kampanii i zajmaje hetuju pasadu dahetul.

Kacałapaŭ — niepubličny čałaviek. Z taho, što pisali pra jaho: niekali nabyŭ kvateru za 675 tysiač dalaraŭ na vulicy Čechava ŭ Minsku, heta rajon Steły.

Imia, imia pa baćku i hod naradžeńnia čałavieka, uniesienaha ŭ śpis «terarystaŭ», całkam supadajuć z asabistymi dadzienymi suzasnavalnika «Varhiejminha». 

Nakolki razumieje «Naša Niva», biznesoviec na voli.

My sprabavali źviazacca ź Mikałajem Kacałapavym pa publična dastupnych kantaktach, ale adkazu nie atrymali.

Taksama my vysłali zapyt na mejł pres-słužby kampanii Wargaming — kali budzie adkaz na zvarot, my jaho apublikujem. 

Biznesoviec, pa źviestkach CSE, vałodaje kala 17% akcyj «Varhiejminha» i zajmajecca šeraham inviestycyjnych prajektaŭ. «Ježiednievnik» tradycyjna ŭklučaŭ jaho ŭ śpis najbolš upłyvovych biełaruskich biznesoŭcaŭ — u rejtynhu za 2021 hod jon zaniaŭ 18 miesca.

Ahulny košt kampanii Wargaming aceńvajecca na bolš za miljard dalaraŭ. Paśla pačatku masavych represij u Biełarusi minski ofis kampanii byŭ rełakavany. Na siońnia tolki ŭ Wargaming Vilnius, zhodna z dastupnymi danymi, pracuje 987 čałaviek. Centralny ofis kampanii mieścicca ŭ Nikasii, Kipr. Akramia taho, isnujuć ofisy ŭ Kijevie (Ukraina), Biełhradzie (Sierbija), Prazie (Čechija), Varšavie (Polšča), Ostynie i Čykaha (ZŠA), Šanchai (Kitaj) dy inšych haradach.

Ciapier adzin z samych bahatych i paśpiachovych biełarusaŭ pryznany ŭładami «terarystam» za «finansavańnie terarystyčnaj dziejnaści». Biełarusaŭ u hety śpis KDB apošnija hady ŭnosić pa palityčnych matyvach — praciŭnikaŭ Alaksandra Łukašenki. Nieviadoma, kamu mienavita achviaravaŭ hrošy Mikałaj Kacałapaŭ.

U Biełarusi pryznanyja terarystyčnymi čatyry arhanizacyi, źviazanyja z padziejami 2020 hoda:

  1. AHSB;
  2. «Supraciŭ», u jaki ŭvachodziać «Kibierpartyzany», «Družyny narodnaj samaabarony» i «Busły laciać»;
  3. BYPOL razam z «Situatyŭna-analityčnym centram» i płanam «Pieramoha»;
  4. telehram-kanały NEXTA, NEXTA Live i LUXTA.

Kali vy viedajecie na hetuju temu bolš, pišycie redaktaru «Našaj Nivy» ŭ TH @nn_editor, na [email protected] ci [email protected]. Albo pišycie asabista tym žurnalistam i redaktaram «Našaj Nivy», jakich vy viedajecie i jakim daviarajecie (lepš — u sihnał ci telehram).

«Naša Niva» — bastyjon biełaruščyny

PADTRYMAĆ

Čytajcie jašče:

70-hadovamu mužčynu pahražaje da 15 hadoŭ za kamientary. Raspaviadajem pra samaha pažyłoha «terarysta» ź Biełarusi

Kamientatary i spravakavany KDB mužčyna. U «terarysty» ciapier masava zapisvajuć za vykazvańni. Raskazvajem pra novyja imiony ŭ śpisie

HUBAZiK raskazaŭ pra žančynu, jakaja «pryjšła pakajacca». Paśla jaje adpravili ŭ kałoniju i ŭnieśli ŭ «śpis terarystaŭ»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
8
Панылы сорам
12
Ха-ха
5
Ого
5
Сумна
5
Абуральна
41
1
pačnicie ź siebia/adkazać/
28.01.2023
a vam słabo napisać svoj kamient pa-biełarusku?
3
a słabo na cymbałach słabać?/adkazać/
28.01.2023
pačnicie ź siebia, a chiba na słabo brać - heta pa-biełarusku? chiba "słabo" - heta biełaruskaje słova?
1
Maksim Dizajnier/adkazać/
29.01.2023
IMIA

Rabotu łučšie pohladi, śpis.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera