Aktyvistku Valancinu Bołbat ź Vierchniadźvinska aštrafavali na 3 700 rubloŭ za malunki ŭ sacyjalnych sietkach
Vierchniadźvinskuju aktyvistku ruchu «Za Svabodu» zatrymali 22 listapada. Paźniej nad joj adbylisia try sudy zapar. Sudździa Zinaida Bałabołava dvojčy aryštavała Valancinu na 10 sutak pavodle art. 19.11 KaAP (raspaŭsiud ekstremisckich materyjałaŭ), a na treci raz pryznačyła 320 rubloŭ štrafu.
Za kratami ŭ žančyny pahoršyłasia zdaroŭje, tamu jaje vyzvalili na try dni raniej.
Pa infarmacyi «Viciebskaj Viasny», 11 studzienia jaje vyklikali ŭ Vierchniadźvinski RAUS i skazali pryjści ŭ milicyju ŭ Navapołacku. Tam jaje adrazu ž zatrymali i adpravili ŭ CIP dasiedžvać troje sutak. Tady jana abviaściła haładoŭku na znak pratestu suprać niespraviadlivych abvinavačvańniaŭ.
Užo 13 studzienia adbyŭsia nad joj čarhovy sud. Žančynu abvinavacili ŭ «niesankcyjanavanym pikietavańni» pa art. 24.23 KaAP za malunki ŭ sacyjalnych sietkach. Sudździa Bałabołava pryznačyła joj jašče 100 bazavych vieličyniaŭ štrafu (3 700 rubloŭ).
«Jana spačatku spužałasia i pačała vynosić miakkija prysudy, ale paśla ŭsio viarnułasia na svaje kruhi». Chto jana — navapołackaja sudździa Bałabołava
