Češski Raiffeisen Bank spynić płaciažy i pieravody ŭ Rasiju i Biełaruś
Češskaja «dačka» Raiffeisen Bank International (RBI) pryniała rašeńnie spynić płaciažy i pieravody ŭ Rasiju i Biełaruś z 15 lutaha. Pra heta paviedamlajecca na sajcie banka, adpaviednyja paviedamleńni razasłanyja klijentam.
Jak adznačajuć u banku, «da hetaha času płaciažy adsočvalisia, aceńvałasia ich adpaviednaść dziejnym sankcyjnym normam, ale ŭ suviazi z raźvićciom situacyi va Ukrainie i paśla dalejšaha ŭzmacnieńnia strohaści zachadaŭ bank pryniaŭ rašeńnie spynić ich ažyćciaŭleńnie».
U paviedamleńni tłumačycca, što bank nie moža paŭpłyvać na dalejšaje pieranakiravańnie hrošaj padsankcyjnym asobam abo ich vykarystańnie ŭ sankcyjnych metach. Što tyčycca ŭvachodnych płaciažoŭ (naprykład, pieravod ź biełaruskaj karty na češskuju), to prymać ich buduć, «kali jany nie supiarečać dziejnamu sankcyjnamu rehłamientu i sankcyjnaj palitycy banka».
U Biełarusi Raiffeisen Bank International vałodaje Pryjorbankam.