Vydaviectva «Knihazbor» kančatkova zakryvajecca
Pra kančatkovaje spynieńnie pracy viadomaha pryvatnaha vydaviectva «Knihazbor» paviedamiŭ šmathadovy jaho kiraŭnik Hienadź Viniarski na staroncy ŭ fejsbuku.
Hienadź Viniarski z knihami vydaviectva «Knihazbor»
«Voś i skočyłasia maja epapieja vydaŭca.
27 hadoŭ pracy, kala 3 tysiač najmieńniaŭ knih, sustrečy z aŭtarami, prezientacyi, vystavy…
Siońnia zdaŭ u Ministerstva infarmacyi paśviedčańnie vydaŭca.
U chutkim časie pačniom praces likvidacyi PUP «Knihazbor», tamu kuplajcie ŭ kniharniach knihi našaha vydaviectva. Pakul jany jość u internet-kniharniach: knihi.by, tn.by, kniganosha.by, a taksama ŭ «Knižnaj šafie» dy ŭ inšych kniharniach», — napisaŭ vydaviec.
Raniej spynili svaju dziejnaść u Biełarusi inšyja viadomyja niedziaržaŭnyja vydaviectvy — «Halijafy» i «Januškievič». «Knihazbor» taksama padviarhaŭsia cisku, jaho licenziju dvojčy prypyniali, apošni raz — na miesiac z 22 śniežnia.
