Na vychadnych znoŭ mahčymyja prablemy z kasavym abstalavańniem
Ministerstva padatkaŭ i zboraŭ papiaredziła handal, što ŭ najbližejšyja vychadnyja, 28-29 studzienia, mahčymyja pieraboi ŭ rabocie kasavaha abstalavańnia i handlovych aŭtamataŭ.
Zdymak ilustracyjny. Fota: Office Life
«U suviazi z praviadzieńniem u pieryjad z 9:00 28 studzienia da 29 studzienia płanavych techničnych rabot mahčymyja pieraboi z dostupam u asabisty kabiniet uładalnika kasavaha abstalavańnia ŭ sistemie kantrolu kasavaha abstalavańnia (SKKA), na sajt i ŭ asabisty kabiniet sistemy kantrolu handlovych aŭtamataŭ (SKHA)», — skazana ŭ paviedamleńni.
Z hetaha paviedamleńnia, praŭda, ciažka zrazumieć, praciahnucca techničnyja raboty i 29 studzienia ci jany da hetaha dnia ŭžo skončacca.
U samym pačatku studzienia karystalniki ŭžo sutyknulisia z prablemami apłaty ŭ handlovych abjektach, na zapraŭkach z-za kasavaha zboju. Tady prablemy mieła kampanija «Tuson», jakaja kiruje hetym abstalavańniem. Na hety momant taja prablema ličycca całkam likvidavanaj.