Knihu Maksima Znaka vydaduć pa-anhlijsku
Vydaviectva «Scotland Street Press» vypuścić «Zekamieron» Maksima Znaka, napisany im u SIZA, na anhlijskaj movie.
— 100 apaviadańniaŭ u «Zekamieronie» zasnavanyja na «Dekamieronie» XIV stahodździa, ale Znak bližejšy da Bekieta, čym da Bakača. Banalnaść i žorstkaść supierničajuć z čałaviečaj zdolnaściu pieraadolvać pryhniot, — pišuć na sajcie vydańnia.
Kniha pastupić u prodaž 1 sakavika, pieradzamovu možna zrabić užo ciapier.
Nahadajem, što advakat Maksim Znak byŭ asudžany na 10 hadoŭ kałonii.
Jaho asudzili pa troch artykułach Kryminalnaha kodeksa Biełarusi: publičnyja zakliki da dziejańniaŭ, nakiravanych na pryčynieńnie škody nacyjanalnaj biaśpiecy (č. 3 art. 361 KK), zmova z metaj zachopu dziaržaŭnaj ułady niekanstytucyjnym šlacham (č. 1 art. 357 KK) i stvareńnie ekstremisckaha farmavańnia (č. 1 art. 361-1 KK). Za kratami Maksim Znak z 8 vieraśnia 2020 hoda.
