U Biełarusi źjaviłasia novaja forma machlarstva: achviar zavablivajuć dapamohaj na dziaciej
Minpracy papiaredžvaje, jak nie trapicca na prynadu afierystaŭ.
Sutnaść machlarstva takaja: hramadzianam ź dziećmi dasyłajuć paviedamleńni ad imia aficyjnych orhanaŭ — i prapanujuć pierajści pa spasyłcy, kab zapoŭnić formu z asabistymi danymi i rekvizitami bankaŭskaj karty. Nibyta paśla hetaha siamja atrymaje na kartku niejkija naležnyja sacyjalnyja vypłaty.
U Minpracy źviartajuć uvahu hramadzian na toje, što viedamstva nikoli nie infarmuje ab atrymańni sacyjalnych vypłat abo ich pieraliku praz SMS i paviedamleńni ŭ mesendžarach. Vypłaty pryznačajucca tolki paśla asabistaha zvarotu ŭ orhany sacyjalnaj abarony abo pa miescy pracy.
Biełarusaŭ prosiać ni ŭ jakim razie nie pierachodzić pa padazronych spasyłkach i nie ŭvodzić svaje asabistyja źviestki.
