Biełaruski katalicki biskup staŭ prapaviedavać u instahramie
Hienieralny vikaryj Minska-Mahiloŭskaj archidyjacezii Rymska-katalickaj carkvy biskup Alaksandr Jašeŭski na svajoj staroncy ŭ instahramie staŭ publikavać karotkija videa. Jany ŭtrymlivajuć kamientaryi i razvažańni da niadzielnych liturhičnych čytańniaŭ Božaha Słova, paviedamlaje sajt katolik.life.
Biskup havoryć svaje kazani pa-biełarusku, ale ŭ videa jość taksama subcitry na ruskaj movie i surdapierakład dla ludziej z prablemami słychu.
Alaksandr Jašeŭski zapisaŭ užo dva takija videa, apošniaje — za 22 studzienia. Usiaho na ciapierašni momant staronka hetaha katalickaha ijerarcha maje bolš za 1,4 tys. padpisčykaŭ.
U svoj čas mienavita biskup Alaksandr Jašeŭski staŭ pieršym siarod biełaruskich ryma-katalickich ijerarchaŭ, jaki adkryŭ akaŭnt u sacyjalnych sietkach. Heta było ŭ 2015 hodzie, kali jon zavioŭ staronku ŭ fejsbuku.
