Znajści
Ałharytmičny łacinski varyjant
27.01.2023 / 18:3631RusŁacBieł

Va Ukrainie zahinuŭ biełarus-dobraachvotnik Eduard Łobaŭ

Pa infarmacyi «Našaj Nivy», heta zdaryłasia ŭčora, 26 studzienia, u bai pad Vuhladaram.

Fota: belsat.eu

34-hadovy Eduard Łobaŭ vajavaŭ va Ukrainie ad 2015 hoda, spačatku ŭ Taktyčnaj hrupie «Biełaruś».

U Biełarusi terminovuju słužbu Eduard Łobaŭ słužyŭ u desancie.

Jaho žyćciovy los vyznačyŭ aryšt u 2010 hodzie, kali jaho aryštavali razam ź inšym maładafrontaŭcam, Źmitrom Daškievičam, pa sfabrykavanym palityčnym abvinavačvańni. Ën pravioŭ u źniavoleńni amal 4 hady, nie raz admaŭlaŭsia pisać prašeńni ab pamiłavańni na imia dyktatara.

Kali jon vyjšaŭ, jamu nie davali žyćcia ŭ Biełarusi, i jon pierabraŭsia va Ukrainu, dzie dałučyŭsia da zmahańnia suprać rasijskaj ahresii.

Eduard Łobaŭ zahinuŭ učora, 26 studzienia, pad Vuhladaram.

Pra heta raskazaŭ «Našaj Nivie» siabar zahinułaha, taksama były palitviazień Alaksandr Małčanaŭ.

Pa słovach Małčanava, dobraachvotnik ź inšymi vajarami palavaŭ na tanki z «Džavielinam». Paśla ŭ bližnim bai asabista źniščyŭ niekalki bajcoŭ praciŭnika. Łobaŭ atrymaŭ askołačnaje ranieńnie, jakoje stała śmiarotnym.

Eduard Łobaŭ apošnim časam słužyŭ u 72-j asobnaj miechanizavanaj bryhadzie. Udzielničaŭ u vyzvaleńni Kijeŭskaj vobłaści i Čarnobyla ad rasijskich akupantaŭ. Apošnija niekalki miesiacaŭ jahonaja bryhada vajavała pad Vuhladaram, heta na zachad ad Daniecka.

Jak stała viadoma «Našaj Nivie», siamja choča pachavać Eduarda ŭ Varšavie. Data raźvitańnia stanie viadomaja paźniej.

Heta jak minimum užo 19-y biełarus, jaki addaŭ žyćcio za niezaležnaść Ukrainy i Biełarusi na ŭkrainskaj ziamli ad pačatku 2022 hoda.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
3
djon/adkazać/
28.01.2023
tyda emy i doroga i slava.
0
Valadzimir/adkazać/
29.01.2023
[Red. vydalena]
0
Valadzimir/adkazać/
29.01.2023
[Red. vydalena]
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera