Znajści
Ałharytmičny łacinski varyjant
29.01.2023 / 22:107RusŁacBieł

Łukašenka choča zrabić biełaruski handlovy chab u Zimbabve. Ale heta nie toje miesca, «dzie nas nie viedajuć»

Časovy pavierany ŭ spravach Biełarusi ŭ Zimbabve Dźmitryj Sakun paviedamiŭ, što Łukašenka padčas vizitu ŭ hetuju krainu, jaki zapłanavany na 30-31 studzienia, źbirajecca abmiarkoŭvać stvareńnie ŭ Afrycy biełaruskaha handlovaha chaba.

Łukašenka z prezidentam Zimbabve Emiersanam Mnanhahva padčas vizitu taho ŭ Minsk

Sakun skazaŭ, što zimbabvijski rynak davoli jomisty i majecca davoli vialiki popyt na roznuju pradukcyju. Pavodle jaho słoŭ, miascovyja vytvorcy nie spraŭlajucca z zapytami, jakija jość u miascovaha nasielnictva.

«Pradukty charčavańnia, technika, adzieńnie, tyja ž uhnajeńni — hetaha ŭsiaho tut nie chapaje. I Biełaruś moža heta ŭsio prapanavać».

Havoračy pra canu tavaraŭ pry ŭliku ŭsich vydatkaŭ, źviazanych z łahistykaj, Sakun źviarnuŭ uvahu na toje, što zaŭsiody možna znajści jakija-niebudź varyjanty ź miascovymi partniorami, prapracavać łahistyčnyja šlachi:

«Navat varyjanty pryvieźci siudy techniku ci pradukty i potym vychodzić na susiednija rynki — heta taksama adna z opcyj praniknieńnia na afrykanskija rynki».

Pry hetym jon zaŭvažyŭ, što ŭ ramkach nazvanaha vizitu buduć iści pieramovy ab tym, što pajści na ŭzajemadziejańnie adzin z adnym (uzajemadziejańnie Biełarusi ź Zimbabve) i stvaryć chab, jaki dazvolić «nam pierachodzić i ŭ susiednija krainy».

Dypłamat dadaŭ, maŭlaŭ, Zimbabve choć i niebahataja kraina, kali kazać pra ekanomiku, ale ŭ joj žyvuć ludzi, jakija radyja i hatovyja supracoŭničać ź biznesam u Biełarusi.

Praŭda, padobna na toje, što nie ŭsie zimbabvijskija ludzi ŭ hetym płanie prajaŭlajuć entuzijazm i vierać biełaruskamu partnioru. Niekali Łukašenka kazaŭ, što dla taho, kab pradavać biełaruskuju pradukcyju, treba «iści tudy, dzie nas nie viedajuć». Ale ź Zimbabve adnosiny daŭnija, zapačatkavanyja jašče pry byłym prezidencie Robiercie Muhabe. I tam jakraz biełaruski režym jak partniora viedajuć, prytym nie zaŭsiody ź lepšaha boku. 

Napiaredadni vizitu miascovaje vydańnie New Zimbabwe akurat napisała pra ŭnutranyja skandały, źviazanyja ź Biełaruśsiu.

Pieršy źviazany z zakupkaj letaś uradam Zimbabve ŭ Biełarusi pažarnych mašyn, pra jakija «nikoli nie prasili» ŭłady na miescach. Ździełku, jakuju płanavałasia realizavać za košt miascovych biudžetaŭ (70 mašyn za 32 młn dalaraŭ), tady «rezka asudzili» jak praŭładnyja, tak i apazicyjnyja deputaty.

Inšy skandał tyčyŭsia prodažu dyjamientaŭ, dla čaho ŭrad Zimbabve vybiraŭ družalubnyja biełaruskija kampanii, i heta taksama nie išło na karyść ułasna krainie.

Čytajcie taksama:

Mer Minska palacieŭ u Zimbabve

Łukašenka palacieŭ u Emiraty i Zimbabve 

U Zimbabve admovilisia ad zakupu pažarnych mašyn u Biełarusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Alek. Ru/adkazać/
30.01.2023
Jany razam vielmi harmanična hladziacca.. Prosta sałodkaja paračka)))))))
0
Požałuj/adkazać/
30.01.2023
Tam, hdie AHŁ - tam uśpiech, tam pobieda. Nu zaskučał on v Drozdach, nu zastojałsia kak koń v stojle. Nado žie jemu raźviejaťsia. Nu połučiłoś kuda połučiłoś. Choť Zimbabvie, choť Vanuatu, choť ostrov Komodo - no i tam dołžien proryv, skačok, prohriess i novyj epochalnyj vzbzdiec!
0
o. pačci ŭ ryfmu/adkazać/
30.01.2023
"prohriess i novyj epochalnyj vzbzdiec!
"
dajoš u Zimbabve novy ladovy dvarec!

Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera