Bar-mieniedžar Jaŭhien Kuźniacoŭ vyjšaŭ na volu
U sieradu, 25 studzienia, vyjšaŭ na volu viadomy minski bar-mieniedžar Jaŭhien Kuźniacoŭ, piša CityDog. Jaho zatrymali dva tydni tamu.
Jaŭhien Kuźniacoŭ — dziejny barmien, kiraŭničy partnior kulturnaj placoŭki Lo-Fi Social Club, jakaja pryniała rašeńnie ab zakryćci ŭ pačatku sakavika 2022 hoda.
Apošnija niekalki miesiacaŭ Jaŭhien zajmaŭsia pierazapuskam prajekta rok-kłuba T.N.T.
Pryčyny jahonaha zatrymańnia pakul nieviadomyja. Miarkujučy pa ŭsim, Jaŭhien Kuźniacoŭ byŭ asudžany pa «administratyŭcy».
Uvieś tydzień paśla zatrymańnia Jaŭhiena Kuźniacova minskija barmeny i ŭładalniki ŭstanoŭ abmiarkoŭvali, što rabić. Pravaabaroncy raspaviadali, što viadoma pra zatrymańnie jak minimum troch barmenaŭ. Kolki było ich zatrymana napraŭdu, nichto nie viedaje.
Adnak, jak stała viadoma CityDog.io, usie zatrymanyja prysutničali ŭ telehram-čacie supolnaści barmenaŭ i supracoŭnikaŭ ustanoŭ. Čat uklučaŭ u siabie kala 1500 čałaviek i byŭ pryznačany vyklučna dla abmienu pracoŭnym vopytam.
Pa viersii tych, chto mieŭ dačynieńnie da hetaha čatu, usio pačałosia kala miesiaca tamu z zatrymańnia M. — ambasadara viadomaha brenda. Pra los astatnich zatrymanych ničoha nieviadoma.
Čytajcie taksama:
Aktrysa Śviatłana Zielankoŭskaja adkryła teatralnuju studyju ŭ Varšavie
Vuličnaja moda: acanicie, jakimi elemientami harderobu minčanki razbaŭlajuć šeraść minskaj zimy
