Znajści
Ałharytmičny łacinski varyjant
30.01.2023 / 08:48RusŁacBieł

Ukraina ŭviała sankcyi suprać niekalkich biełaruskich kampanij

Uładzimir Zialenski ŭchvaliŭ rašeńnie Rady nacyjanalnaj biaśpieki i abarony Ukrainy ab uviadzieńni sankcyj suprać 185 jurydyčnych i fizičnych asob. Adpaviedny ŭkaz apublikavany na sajcie prezidenta Ukrainy.

Jak zajaviŭ Uładzimir Zialenski ŭ viačernim videazvarocie, sankcyi ŭvodziacca suprać jurydyčnych i fizičnych asob, «jakija vykarystoŭvaje dziaržava-ahresar, kab pieravozić pa čyhuncy vajskovuju techniku i sałdat».

Siarod 182 jurydyčnych asob, «da jakich prymianiajucca piersanalnyja śpiecyjalnyja ekanamičnyja i inšyja abmiežavalnyja miery (sankcyi)», 23 biełaruskija pradpryjemstvy.

Heta AAT «Biełaruśkalij», AAT «Homielski chimičny zavod», Biełaruskaja čyhunka i pradpryjemstva «Bielintertrans — transpartna-łahistyčny centr BČ», TAA «Jeŭratransvahon», mahiloŭski «Kronaspan ASB», lidskaja «Łakafarba», Biełhazprambank, «Biellesekspart», TAA «ASB Lizinh» dy inšyja.

«Ich aktyvy va Ukrainie błakujucca, majomaść budzie vykarystoŭvacca dla našaj abarony. My budziem pracavać nad tym, kab anałahičnaje błakavańnie było realizavana i inšymi krainami», — raspavioŭ Zialenski ŭ viačernim videazvarocie.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera