Znajści
Ałharytmičny łacinski varyjant
30.01.2023 / 13:318RusŁacBieł

Letaś biełarusy ŭ Polščy adkryli amal u 4 razy bolš firm, čym u 2020-m. Čym tam zajmajucca biełaruskija biznesoŭcy 

U Polščy dziejničaje kala 5 tysiač biznesaŭ, dzie, prynamsi, adzin z suzasnavalnikaŭ źjaŭlajecca biełarusam. Amal tracina ź ich źjaviłasia ŭ 2022 hodzie.

Imklivy rost z 2021 hoda

Pa danych polskaha Hałoŭnaha centra ekanamičnaj infarmacyi, letaś u Polščy zarehistravali 1745 firm ź biełaruskim kapitałam. U 2021 hodzie takich było 886. U 2020 i 2019 — 469 i 458 adpaviedna. 

Jak pakazvaje statystyka, imklivy rost kolkaści polskich kampanij ź biełaruskimi karaniami pryjšoŭsia na paślavybarnyja 2021 i 2022 hady. Apošnija dva hady pryrost składaŭ pa 90 — 97%.

Najbolšaj papularnaściu siarod biełarusaŭ karystajecca Mazavieckaje vajavodstva (Varšava), na dolu staličnaha rehijona prychodzicca 53,9% firm, na druhim miescy idzie Biełastoččyna z 12,85%, na trecim Lublinščyna — 7,93 %.

Čym biełaruski biznes zajmajecca ŭ Polščy?

Najbolš papularnym vidam dziejnaści siarod biełaruskich biznesmienaŭ u Polščy źjaŭlajucca aŭtamabilnyja pieravozki, u hetaj halinie dziejničaje 885 biełarusich kampanij z 4980. U 2021 hodzie takich było 473. Imklivamu rostu kolkaści transpartnych kampanij ź biełaruskimi karaniami spryjajuć sankcyi. Padrabiaźniej pra masavy rełakiejt biełaruskich transpartnikaŭ u Polšču i Litvu «Naša Niva» pisała raniej. 

Čytajcie padrabiaźniej: Ź Biełarusi masava rełakujucca nie tolki IT-kampanii, ale i transpartnyja

Na druhim miescy zastajucca budaŭničyja kampanii. Takich u Polščy pa stanie na 2022-i pracuje 314, u paraŭnańni z 2021 hoda pryrost nie taki zaŭvažny — plus 65 kampanij.

Na trecim miescy idzie dziejnaść, źviazanaja z prahramavańniem, — 296. U IT, jak i ŭ transpartnaj halinie, za 2022 hod byŭ zafiksavany amal dvuchrazovy pryrost — plus 132 za hod.

A jak ź biznesam u Biełarusi?

Paralelna z rostam kolkaści kampanij ź biełaruskim kapitałam za miažoj za apošnija dva hady ŭ Biełarusi nazirajecca skaračeńnie kolkaści IP. Za minuły hod pamienšała na 9 366 pradprymalnikaŭ. Niahledziačy na heta, ułady, pačynajučy z 2022 hoda, praciahvajuć pavialičvać padatkovuju nahruzku na IP i skaračać dla ich ilhoty pa ŭnioskach u FSAN.

Pra zaniapad śfiery IT i hruzapieravozak kaža i aficyjnaja statystyka. Tak, naprykład, za 2022 hod čysty adtok kadraŭ ź IT skłaŭ amal 15 tysiač čałaviek. Pa vynikach minułaha hoda, uniosak IT-siektara ŭ VUP skłaŭ minus 0,2%. Uniosak siektara «transpartnaja dziejnaść, składziravańnie, paštovaja i kurjerskaja dziejnaść» — minus 0,9%. Dla paraŭnańnia jašče ŭ 2021 hodzie IT dadali VUP plus 0,7%, transpartnaja dziejnaść, składziravańnie, paštovaja i kurjerskaja dziejnaść — plus 0,1%.

«Naša Niva» — bastyjon biełaruščyny

PADTRYMAĆ

Čytajcie taksama: Biełaruś stała rezka mienš kuplać abstalavańnia. Jak vajna i sankcyi adbilisia na handli

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Bob/adkazać/
30.01.2023
Sankcyi zabivajuć nie režym, a narod.
Vy niemnoho pierieputali adriesatami, Vy nie k Biełarusam za hraniciej obraŝajtieś, nie k pravitielstvu inostrannych hosudarstv a v Dvoriec Riespubliki, tam otviečajut za vsie čto v Riespublikie proischodit, oni otviečajut za vniešniuju politiku, mohut dažie riešiť problemy s sankcijami, a takžie i otvietiť Vam jeśli Vy sami poniať nie možietie, kak tak ludi i biźnies stał aktivno raźvivaťsia zahraniciej. Riekomienduju so Dvorca sprašivať.
0
hot/adkazać/
31.01.2023
Sankcyi zabivajuć nie režym, a narod.,kali čałaviek padychaje ad hoładu i nie pratestuje, nie škada. Tak jamu i treba.
0
Woodoo Cult /adkazać/
31.01.2023
hot, a moža tak i treba?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera