Były źniavoleny «Vićby»: Apošnim časam šyli vajskovuju formu dla rasijan
Raniej, pa słovach byłoha viaźnia papraŭčaj kałonii № 3, jany šyli anučy dla švabraŭ, jakija potym pradavali ŭ «Jeŭraopcie», i kaściumy dla zavodaŭ. Ale ciapier heta źmianiłasia, raspavioŭ jon pravaabaroncam.
Skrynšot videa Minabarony Rasii
«Apošnim časam tam šyli ŭ vialikich abjomach vajskovuju formu dla rasijan. Źniavolenyja ciapier pracujuć zvyšuročna.
Adboj a 22-j, ale ciapier jany mohuć tam prasiedzieć da pieršaj nočy i potym bolš spać. Im dazvalajuć heta, kab tolki šyli hetuju formu. Takoje apošni raz było padčas pandemii — źniavolenyja šyli maski ad COVID-19», — raskazaŭ były viazień.
Papraŭčaja kałonija № 3 u haradskim pasiołku Vićba Viciebskaha rajona ličycca samaj «elitarnaj» u Biełarusi. Tam adbyvajuć terminy vysokapastaŭlenyja słužboŭcy, prakurory, sudździ i milicyjanty. Ale paśla padziej 2020 hoda hetaja kałonija, jak i astatnija, napoŭniłasia palitviaźniami.
za čto boroliś...