Znajści
Ałharytmičny łacinski varyjant
05.02.2023 / 17:583RusŁacBieł

BeReal: antyinstahram i (mižvoli) škoła stylu

Instagram — heta hlancavy albom uzornych fatahrafij: kaviarni, śviaty, fitnies. A BeReal — chronika budniaŭ, chronika lapaŭ: pierakus, umyvalnik, łožak. Prahrama dla abmienu fotazdymkami pryvodzić da stvareńnia davoli vypadkovych vyjaŭ, a razam ź imi časam mocna vučyć pačućciu stylu.

Fota: yaseminozer / BeReal

Sacyjalnaja sietka BeReal nie samaje vidavočnaje miesca dla pošuku natchnieńnia. U adroźnieńnie ad Instagram, dzie miljony sełfi zroblena, kab pachvalicca novym palito, udałaj pryčoskaj ci saboju krutym u lusterku lifta, BeReal pakazvaje ŭsich paŭsiadzionnymi.

Kali vy ŭ prahramie, vam prychodzić apaviaščeńnie z prośbaj sfatahrafavać toje, što pierad vami, a zadniaja kamiera ŭ hety ž momant robić vaša sełfi. U vyniku atrymlivajucca dva fota: vaša i zdymak vašaha atačeńnia, — jakija i traplajuć u stužku (sełfi mieścicca na zdymku fona jak na vokładcy). Taki padychod aznačaje, što ŭ vas značna bolš šancaŭ trapić na fota niepryčasanym abo stomlenym.

Čym BeReal adroźnivajecca ad inšych prahram

Sacyjalnaja płatforma stvorana ŭ Francyi ŭ 2020 hodzie i spačatku była dastupnaja tolki ŭ hetaj krainie. Siońnia pałova jaje karystalnikaŭ — z ZŠA, na druhim miescy iduć brytancy i tolki trecija — z Francyi. Časta karystalniki — heta studenty, jakija acanili humar płatformy, abo ludzi pakaleńnia 2000-ch, jakija nastalhujuć pa viesiałości i naiŭnaści internetu raniejšych časoŭ.

Voś niekatoryja admietnaści dadatku.

  • Zdymak treba zrabić na praciahu nie bolš jak dźviuch chvilin (u prahramie zapuskajecca tajmier).
  • Zdymki robiacca raz na dzień, trymajucca ŭ stužcy 24 hadziny i potym zastajucca tolki ŭ raździele Memories.
  • Niama kolkaści prahladaŭ, cheštehaŭ ci čaho-niebudź jašče, što prasoŭvaje ŭ inšych sacyjalnych sietkach kultura ŭpłyvu. Taksama niama rekłamy i padliku padpisčykaŭ. Jak adznačaje sama kampanija, «BeReal nie zrobić vas viadomymi».
  • Luby, chto choča prakamientavać fatahrafiju, pavinien być u siabrach u karystalnika.
  • Karystalniki nie mohuć kamunikavać ź inšymi pryvatna. Lubyja kamientary adkrytyja dla ŭsieahulnaha bačańnia.

Fota: malia._.marie / BeReal

Fota: yourfavjoee / BeReal

Bolšaść zdymkaŭ da bolu zvyčajnaja: śniadanak, elektronnaja paštovaja skrynia, zavalenaja paviedamleńniami, televizar z netfliksam na ekranie. I asoby, złoŭlenyja pad samymi mudrahielistymi rakursami. Niama filtraŭ, pradumanych nadpisaŭ i rekłamy.

Ale, niahledziačy na šmatabiacalnaść, krytyki nie pradkazvajuć BeReal vialikaj budučyni. Na dumku bolšaści, papularnaść prahramy šmat u čym źviazana z kryzisam Instagram, Facebook dy inšych bujnych płatformaŭ. Karystalniki šukajuć alternatyŭnyja sposaby funkcyjanavańnia ŭ virtualnaj realnaści, jakija viernuć im sapraŭdnaść i aŭtentyčnaść. Tym nie mienš, pakul TikTok zastajecca tym dadatkam, jaki najbolej časta vybirajecca i asabliva padabajecca pakaleńniu zumieraŭ. Da taho ž bolšaść karystalnikaŭ BeReal nie źbirajecca admaŭlacca ad inšych płatform. Chutčej jany razhladajuć francuzskuju prahramu jak dadatkovaje pašyreńnie svajho haryzontu.

Fota: willinear / BeReal

Fota: leonadou / BeReal

Jak z prahramy možna atrymać uroki stylu

«BeReal pakazaŭ mnie, što ja našu šery koler čaściej, čym luby inšy koler, a taksama toje, što šery mnie zusim nie pasuje. Reč u tym, što ŭ kancy hoda BeReal prapanuje vam mantaž vašych fatahrafij za hod. Niešta nakštałt Spotify Wrapped, ale zamiest rejtynha vašych lubimych piesień i vykanaŭcaŭ jon daje kančatkovy adkaz pra toje, jaki vaš lubimy džempier i ci varta vam čaściej myć hałavu», — piša žurnalistka The Guardian Džes Kartnier-Moli.

Pa jaje słovach, jana ŭžo viedała pra svaju słabaść da ałoŭkava-šeraha i ciomna-šeraha trykatažu, ale pakul nie ŭbačyła mantaž, nie razumieła, u jakoj stupieni hetyja kolery daminujuć u jaje adzieńni. «I ja pabačyła, što, kali ja našu šeraje, moj koler tvaru nabyvaje ton, jaki lepš za ŭsio možna apisać jak «druhi tydzień hrypu», tady jak moj tvar bolš pryvabny, kali ja našu jarki koler».

«Akazvajecca, kali bačyš siabie ŭ niepryvabnym śviatle, možna mnohaje zrazumieć», — kaža Džes Kartnier-Moli.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
antistriess/adkazać/
05.02.2023
eto mnie pośviaŝajetsia?
nuu voot... a kto-to jeŝie popriekajet mienia pristavkoj -anti-
0
Kombidriess/adkazać/
05.02.2023
Hud fakinšit!

No jeśli na etom havnicie nielzia otrubiť bakinskich komissarov, 
Kakoho krasnoho puertorikanskoho eto diełať?
0
Maksim Dizajnier/adkazać/
07.02.2023
Takoje žie chajpožiernoje h, kak i Insta(kromie biźniesa). Tolko tiepieŕ ni krasiťsia, ni nariažaťsia nie nado, i fotkaťsia na fonie tołčka s dyrkoj v ziemle. Chotia, Tiktok niedaleko ušieł, sudia po popularnym boChJeRam.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera