Pastaŭki kalijnych uhnajeńniaŭ ź Biełarusi ŭ Indyju ŭpali na 55%
Abjom pastavak kalijnych uhnajeńniaŭ ź Biełarusi ŭ Indyju źniziŭsia na 55% u studzieni — listapadzie 2022 u paraŭnańni z anałahičnym pieryjadam 2021 hoda. Pra heta ŭ paniadziełak TASS paviedamili ŭ pasolstvie Indyi.
Fota: Tut.by
U dypmisii dadali, što krainy praciahvajuć abmiarkoŭvać mahčymaść apłaty pastavak biełaruskich kalijnych uhnajeńniaŭ u indyjskich rupijach.
«Pytańnie abmiarkoŭvajecca zacikaŭlenymi bakami krain», — adkazali ŭ pasolstvie na pytańnie ab najaŭnaści prahresu ŭ pytańni płaciažoŭ u rupijach pamiž indyjskaj kampanijaj Indian Potash Limited i Biełaruskaj kalijnaj kampanijaj.
Raniej pasoł Indyi ŭ Biełarusi Ałak Randžan Dža paviedamlaŭ, što situacyja z pastaŭkami biełaruskich uhnajeńniaŭ u Indyju ŭskładniłasia z-za ŭviedzienych Zachadam u dačynieńni da Minska sankcyj, ale Ńju-Deli spadziajecca na bolš chutkaje vyrašeńnie łahistyčnych prablem.
