Znajści
Ałharytmičny łacinski varyjant
31.01.2023 / 20:4515RusŁacBieł

«Narešcie hetaha vyradka ŭziali». U čat-ruletcy źjaviŭsia jašče adzin stukač, pa čyich navodkach zatrymlivajuć ludziej

Mazyrski pravakatar Juryj Komar — nie adziny, chto vyłoŭlivaje ŭ čat-ruletcy niełajalnych režymu. Jaho kaleha — były milicyjant, jaki prychodzić u jutub u miedalach. Raskazvajem, što viadoma pra jaho asobu.

Ihar Kaniušyk. Fota: «Adnakłaśniki»

Minčuku Iharu Kaniušyku 56 hadoŭ. Mužčyna biespracoŭny, bo maje druhuju hrupu invalidnaści. Viadoma, što jon prachodziŭ słužbu ŭ Afhanistanie ŭ 344-m asobnym bataljonie aeradromna-techničnaha zabieśpiačeńnia.

Ihar Kaniušyk u Afhanistanie i paśla vajny (u «nulavych»). Fota: «Adnakłaśniki» i «Moj Mir»

Pra vajskovuju karjeru Kaniušyka ničoha nie viadoma. U sacyjalnych sietkach mužčyny jość niekalki fota z uznaharodami. Akramia pamiatnych miedaloŭ za vajnu ŭ Afhanistanie, tam jość nahrudny znak «Hvardyja» i kopija ordena Čyrvonaj Zorki.

Na fota vidać nie mienš za 15 miedaloŭ i orden Čyrvonaj Zorki. U naziemnym padraździaleńni mužčyna słužyŭ dva hady. Skrynšot videa

Paśla demabilizacyi Ihar Kaniušyk uładkavaŭsia ŭ milicyju. Nieviadoma, da jakoha zvańnia jon dasłužyŭsia, ale ŭ 1997 hodzie byŭ zvolnieny za parušeńnie pracoŭnaj dyscypliny. Paźniej atrymaŭ druhuju niepracoŭnuju hrupu invalidnaści.

Mužčyna davoli aktyŭny ŭ internecie, a taksama lubić hulać u kampjutarnyja hulni. Razam z žonkaj (nieviadoma, ci jany aficyjna ŭ šlubie) haduje syna.

Fotasiesija syna na fonie dyvana ŭ honar Dnia Pieramohi. Fota: «Adnakłaśniki»

Razam z synam 9 Maja. Hieorhijeŭskaja stužka ŭ Kaniušyka pryčeplenaja ordenam Čyrvonaj Zorki ci jaho kopijaj. Fota: «Adnakłaśniki»

Admietna, što ŭ 2011 hodzie jaho zatrymlivali za ŭdzieł u «maŭklivaj» akcyi pratestu 3 lipienia. Tady ŭ intervju Rasijskaj słužbie navinaŭ jon kazaŭ:

«Ja sprabuju źmianić svajo žyćcio, žyćcio ludziej, jakija žyvuć pobač, jakija zmohuć volna chadzić pa horadzie, jakich nie buduć chapać prosta tak z natoŭpu. Ja chaču pakazać, što jość niezadavolenyja ludzi, nie ŭsim dobra žyviecca… U mianie piensija trochi bolšaja za 100 dalaraŭ.

Ja pryjšoŭ u Dzień Niezaležnaści respubliki, apranuŭ svoj kiciel ź miedalami. Ja słužyŭ u Afhanistanie. Ja prosta stajaŭ, mianie ŭziali, zaviali ŭ aŭtobus, zavieźli ŭ RUUS. Ja siadzieŭ u aŭtobusie 5 hadzin. Heta narmalnaja kraina?

Mienavita tak Ihar Kaniušyk vyhladaŭ u 2010-2011 hadach. Fota: «Adnakłaśniki»

Ja hatovy addać svaju piensiju [za dabrabyt svajoj krainy]. Ja invalid druhoj hrupy. Kab tolki być niezaležnym!»

Ale, vidać, pohlady mužčyny z časam kruta pieramianilisia. Jahonyja sacsietki z 2014 hoda — heta skarbnica «vatnaj» prapahandy z proćmaj hieorhijeŭskich stužak i padpiskami na roznyja prarasijskija resursy.

A ŭ 2018 hodzie mužčynu pryznali vinavatym u tym, što jon vykraŭ z kamiery zachoŭvańnia ŭ «Jeŭraopcie» kala Kuncaŭščyny (u byłoj kramie «Talin») rečy nieviadomaj žančyny na 160 rubloŭ. Pa danych «Čornaj mapy Biełarusi», spačatku na jaho zaviali kryminalnuju spravu, ale paźniej pierakvalifikavali ŭ administracyjnuju.

Kanał «Dzied Baradzied», jaki viadzie Kaniušyk, na samym pačatku

U publičnym poli Ihar Kaniušyk źjaviŭsia ŭ 2021 hodzie. Tady jon stvaryŭ jutub-kanał «Dzied Baradzied», u jakim pravakavaŭ ludziej u čat-ruletcy na roznyja vykazvańni i vykładaŭ heta ŭ sieciva. Praŭda, videa nikoli nie byli nadta papularnymi, a jahonyja kanały pieryjadyčna vydalalisia. Mužčyna nie adčajvaŭsia i stvaraŭ novyja. Litary «z» u apošniaj viersii kanała zamianiŭ na simvały rasijskaj vajennaj prapahandy Z.

Tolki za apošnija čatyry miesiacy Kaniušyk vykłaŭ na svoj jutub-kanał kala 20 videa z pravakacyjami. 

U svaich sacsietkach i telehram-kanale mužčyna hłumicca ź śmierci biełaruskich dobraachvotnikaŭ i radujecca kožnamu zatrymańniu.

Viadoma, što ź jaho padačy byŭ zatrymany 23-hadovy Raman Safonaŭ ź Viciebska. Videa z chłopcam na kanale Kaniušyka vyjšła 1 śniežnia. Na im jon vyhladaje niećviarozym i ŭ kancy razmovy kaža pravakataru, što jon byccam «bajec Azova» i «budzie spać ź jahonaj dačkoj». Paśla hetaha da chłopca pryjšoŭ HUBAZiK.

Raman Safonaŭ. Fota: «UKantakcie»

Admietnaja reakcyja samoha Kaniušyka na zatrymańnie i ździek z čałavieka ŭ sacsietkach.

Skrynšot staronki Kaniušyka ŭ «Adnakłaśnikach»

Pravakatary Kaniušyk i słavuty Juryj Komar znajomyja pamiž saboj, pryčym Kaniušyk pačaŭ zajmacca hetym navat raniej. Komar časta dziakuje tavaryšu za «dapamohu ŭ mantažy» i pijaryć jahony kanał.

Rekłama kanała Kaniušyka ŭ Komara. Fota: Youtube

«Naša Niva» sprabavała źviazacca ź Iharam Kaniušykam, ale jon praihnaravaŭ naš zapyt na kamientar.

«Naša Niva» — bastyjon biełaruščyny

PADTRYMAĆ

Čytajcie taksama:

Hety łukašenkaviec pravakuje ludziej u čat-ruletcy, a paśla ich zatrymlivajuć i źbivajuć. Raskazvajem, chto jon

Miortvyja ciahnuć žyvych: chvala zatrymańniaŭ za kamientary paśla śmierci Makieja. Jak zaścierahčysia?

«Prahnazuje paražeńnie Rasii ŭ vajnie i što paśla hetaha ŭ Biełarusi moža pačacca revalucyja». Pa danosach łukašysta, jaki pravakuje ludziej u čat-ruletcy, zatrymali jašče čaćviarych

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
anatam/adkazać/
01.02.2023
Łukašienko tiebia s soboj nie zabieriet...
0
Funt licha/adkazać/
02.02.2023
Pohodi rabie,budie i tabie..
0
Na takich jabaťki i stojat/adkazać/
02.02.2023
N-da, vor ordienonosiec ???
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera