Znajści
Ałharytmičny łacinski varyjant
31.01.2023 / 10:417RusŁacBieł

Rasija handluje naftaj u hihanckich maštabach, niahledziačy na sankcyi

Rasijskaja nafta masava vyvozicca pa kanałach, jakija składana adsačyć, a naftatrejdary pieramiaścilisia z Ženievy ŭ jurysdykcyi, jakija nie dałučylisia da sankcyj.

Fota: Emrah Gurel, AP

Praz hod paśla admovy najbujniejšych zachodnich kampanij ad handlu i strachavańnia rasijskaj nafty z-za vajny va Ukrainie na ich miesca pryjšli tajamničyja «pryšelcy» z Hankonha, Dubaja, Šry-Łanki, Indyi i Turcyi. Mnohija z takich kampanij nikoli nie pracavali ŭ naftavaj halinie, a inšyja zusim nie isnavali.

Vydańnie The Economist vyjaviła, što mienavita praź ich Rasija abychodzić sankcyi Zachadu i pry kožnym novym pakiecie abmiežavańniaŭ pavialičvaje abarot «šeraj» nafty.

Zhodna ź infarmacyjaj vydańnia, novaja «cieniavaja» infrastruktura transpartavańnia i finansavańnia rasijskaj nafty maštabnaja. Jana pašyrajecca z kožnym novym pakietam sankcyj. Za dva miesiacy dziejańnia «cenavaj stoli» naftavy ekspart z RF pa svaich abjomach viarnuŭsia na ŭzrovień leta 2022 hoda, tolki ciapier rasijskaja nafta masava vyvozicca pa kanałach, jakija składana adsačyć. 

«Naprykład, nie tak daŭno la bierahoŭ Hibrałtara byli zaŭvažanyja niekalki vialikich tankieraŭ, jakija raniej stajali ŭ Piersidskim zalivie i prymali hruz z rasijskich sudoŭ. Aman i Arabskija Emiraty za 9 miesiacaŭ 2022 hoda impartavali bolš rasijskaj nafty, čym za papiarednija try hady. Małajzija ekspartuje ŭ Kitaj udvaja bolš nafty, čym sama zdolna vyrablać», — piša The Economist.

Naziralniki za sudami padazrajuć, što rasijskuju naftu źmiešvajuć z «partniorskaj» i pierapradajuć. Z pačatku vajny ŭ Dubai adkryłasia bolš za 30 rasijskich handlovych kampanij, pryčym niekatoryja ź ich pad novymi imionami.

Bolšaja častka rasijskaj nafty prachodzić praz «cieniavyja» sietki, jakija nie pryznajuć «cenavuju stol». Adnak heta nie robić ich niezakonnymi, bo jany nie vykarystoŭvajuć zachodniuju łahistyčnuju infrastrukturu.

«Cieniavyja» sietki abapirajucca na try hałoŭnyja słupy: novyja kampanii, ułasny tankierny fłot i novyja krynicy finansavańnia. Hety handal finansujecca kredytami rasijskaj dziaržavy, a pasiaredniki płaciać za hruz tolki paśla taho, jak atrymajuć vyručku», — paviedamlaje vydańnie.

Raniej rasijskaja nafta pradavałasia handlovymi kampanijami, jakija ŭ asnoŭnym znachodzilisia ŭ Ženievie, ale bolšaść ź ich užo pierajechała ŭ bolš «siabroŭskija» jurysdykcyi ŭ krainy, jakija nie dałučylisia da sankcyj.

Rasija na hety momant maje ŭ rasparadžeńni 360 tankieraŭ i inšych sudoŭ, što składajuć 16% usiaho suśvietnaha fłotu, jaki pieravozić syruju naftu. 

Kali b absalutna ŭsie zachodnija kampanii admovilisia davać svaje karabli dla transpartavańnia rasijskaj nafty, vyšejnazvanaha fłotu ŭsio adno chapiła b Rasii dla padtrymańnia dziejučaha ŭzroŭniu handlu. Adnak fłot hety składajecca z sastarełych karabloŭ i daloka nie ŭsie party prymajuć sudny biez nadziejnaha strachavańnia. 

Čytajcie jašče:

Jeŭrasajuz zdoleŭ damovicca pra ŭviadzieńnie stoli cenaŭ na rasijskuju naftu

Vajna va Ukrainie — heta jašče i vajna za tytan

Rasija straciła status enierhietyčnaj zvyšdziaržavy 

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
śviatoj rieviers/adkazać/
31.01.2023
"a takžie kakova pribyl" sopričastnych stran
3
Udiła zakušieny, maski i štany sbrošieny/adkazać/
31.01.2023
putin zakusił udiła, oni pytajutsia kompiensirovať padienije cieny na niefť, uvieličienijem objomov prodaži po vsiemu miru. Odno dieło prodavať, v portu othruzki, po 80-90 baksov za barriel s korotkimi plečami dostavki (łohistiki), druhoje dieło, po 38-45 baksov za barriel otpravlaja čieriez Sieviernyj i Južnyj Polusa.
 No dievaťsia niekuda, nužny riesursy na vojnu v Ukrainie, na vorov vo vłasti, tam nikto nie otmieniał i nie budiet otmieniať objomy vorovstva (bystrieje pierieviedut nasielenije na palonuju vodku, čiem pieriestanut vorovať).
 Sčitajut, čto hod-dva vytianut, a tam putinskij pudiel tramp vyjhrajet, s ich pomoŝju, priezidientskije vybory 2024 hoda v SŠA i ostanovit pomoŝ Ukrainie, a oni budut v šokoładie i v damkach.
 Pravda potieriav ubitymi tysiač 500 mobikov, da i čiort s nimi, zato Ukraina budiet vohnana v kamiennyj viek, a oni vsiech "pierieihrajut" i "pobiediat", sochraniv putinskuju mordu lica.
0
American/adkazać/
02.02.2023
Udiła zakušieny, maski i štany sbrošieny, voobŝie-to putinskij pudiel eto bajdien kotoryj śniał sankcii s SP2, vyvieł iz Čiernoho moria amierikanskij fłot, na vstriečie v šviejcarii sohłasiłsia s zachvatom rosijej suchoputnoho koridora v Krym, pierieniesia posolstvo SŠA vo Lvov i pośle udara rosijskoj rakietoj po tierritorii Polši objavił čto eta rakieta ukrainskaja daby nie prinimať mier protiv rosii. ... 

Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera