U Minsku mohuć źjavicca novyja fudtraki
28 lutaha ŭ Minsku praviaduć aŭkcyjon dla tych, chto žadaje arandavać miesca dla fudtraka. Pra heta paviedamlaje Minski haradski centr nieruchomaści, piša Blizko.by.
Na tarhi vystavili 8 łotaŭ. Startavaja cana dla ŭsich adnolkavaja — 126,75 rubla.
Udzielnikam aŭkcyjonu prapanujucca placoŭki pa ŭsim horadzie. Heta, da prykładu, rajon Sosny za MKADam, Akademija navuk, vulica Kastryčnickaja, park Horkaha, Malinaŭka, parki «Miadźviežyna» i Družby narodaŭ.
Raźmiaščać fudtraki možna budzie na praciahu cełaha hoda i tolki na dźviuch placoŭkach arandatar zmoža katać furhončyk ź ježaj z sakavika pa listapad. Na nazvanych maršrutach možna vykarystoŭvać tolki adzin fudtrak.
Jak asobny vid hramadskaha charčavańnia, fudtraki pačali dziejničać u 2019 hodzie. Ministerstva antymanapolnaha rehulavańnia i handlu ŭ toj čas ŭviało novuju kłasifikacyju, zhodna ź jakoj pad fudtrakami razumielisia transpartnyja srodki, dzie hatujuć i pradajuć vuzki asartymient straŭ abo vyrabaŭ fastfudu.
