Znajści
Ałharytmičny łacinski varyjant
04.02.2023 / 14:1417RusŁacBieł

U Minsku prasłušku ciapier rasstaŭlajuć nie tolki ŭ kvaterach, ale i na niekatorych vulicach

Pra heta «Našaj Nivie» raskazali niekalki byłych siłavikoŭ.

Minsk, zima. Fota: AP Photo / Alexander Zemlianichenko Jr

Jak raskazaŭ «Našaj Nivie» adzin były aficer Ministerstva ŭnutranych spraŭ, pa jahonaj infarmacyi hukazapisvajučyja pryłady na centralnych vulicach Minska Apieracyjna-analityčny centr sistemna rasstaŭlaŭ jašče da padziej 2020 hoda.

U pryvatnaści, aficeru było viadoma pra rasstanoŭku «žučkoŭ» na vulicach Karła Marksa i Kamsamolskaj — tam skancentravanyja siłavyja viedamstvy i raznastajnyja ministerstvy.

Inšy aficer nazyvaje taksama vulicu Kirava.

Pa słovach abodvuch, śpiecsłužbu, imavierna, cikavili razmovy, jakija viaduć čynoŭniki i siłaviki padčas abiedaŭ i sustreč na vulicy.

«Ja nie viedaju dakładnych miescaŭ raźmiaščeńnia «žučkoŭ», ale, miarkuju, što ich stavili ŭ łavačkach ci kala łavačak, a taksama ŭ vuličnych kaviarniach», — kaža aficer.

«Nakolki mnie viadoma, mikrafony sistemna stajać u kuryłkach i miescach dla kureńnia na vulicy, a taksama ŭ stolikach u kaviarniach i restaranach u centry Minska. Nie ŭ takich miescach na vulicy, dzie budzie zapisvacca šum vietru, a dzie ludzi razmaŭlajuć», — kaža inšy.

Aficery nie majuć infarmacyi, ci na siońnia vuličnyja zapisy rasšyfroŭvajucca ludźmi abo dapamahajuć prahramy aŭtamatyčnaha raspaznavańnia hołasu i pieravodu ich u piśmovy tekst.

Na dumku aficeraŭ, za apošnija hady abjomy prasłuchoŭvańnia mahli vyraści. Ale jany nie viedajuć, ci rasstavili mikrafony za apošni čas taksama ŭ Vierchnim horadzie abo ŭ rajonie Parka vysokich technałohij. 

Vybar vulic dla abstaŭleńnia «žučkami» nie vypadkovy. 

Tak, na rahu Kamsamolskaj i praśpiekta Niezaležnaści mieścicca Kamitet dziaržaŭnaj biaśpieki. Uprytyk da jaho — Ministerstva ŭnutranych spraŭ. Kala Kamsamolskaj na vulicy Revalucyjnaj siadziać Ministerstva nadzvyčajnych situacyj i HUBAZiK. Pamiž vulicami Karła Marksa i Kirava — Administracyja prezidenta. Na Kirava nižej — Ministerstva zamiežnych spraŭ i Biełaruskaja čyhunka. Bližej da vakzała na Kirava — Ministerstva sielskaj haspadarki, a na Marksa — Ministerstva enierhietyki, abodva nie raz stanavilisia abjektam antykarupcyjnych rasśledavańniaŭ. Jašče dalej — Kamitet dziaržaŭnaha kantrolu i Dziaržaŭny pahraničny kamitet, a taksama Ministerstva suviazi i infarmatyzacyi.

Kaviarni na hetych vulicach — tradycyjnyja miescy sustreč čynoŭnikaŭ i biznesoŭcaŭ, dypłamataŭ i žurnalistaŭ.

Siłavyja struktury ŭ łukašenkaŭskaj Biełarusi majuć praktyčna nieabmiežavanyja pravy na sačeńnie za hramadzianami.

Prava na pryvatnaść zaŭsiody było abmiežavanaje. A paśla 2021 hoda dziaržaŭny ład pačaŭ evalucyjanavać u kirunku tatalitarnaj dyktatury fašysckaha typu. 

Paśla 2020 hoda ŭłady zaviali da 12 tysiač kryminalnych spraŭ palityčnaha charaktaru, achviarami jakich stali dziasiatki tysiač čałaviek. Adnak sačeńnie raspaŭsiudžvajecca nie tolki na palityčnych apanientaŭ i niezadavolenych, ale i na dziaržaŭny aparat dy śviet biznesu. Bahatyja ludzi traplajuć u turmy, a vychodziać na svabodu paśla vypłaty «kampiensacyi naniesienaj škody». 

«Naša Niva» — bastyjon biełaruščyny

PADTRYMAĆ

Čytajcie taksama: Vyjšaŭ na volu bankir Siarhiej Kaściučenka, jakomu letaś prysudzili 3,5 hoda kałonii

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Micha/adkazać/
02.02.2023
Otkroju «siekriet» každyj  vklučiennyj tielefon, smartfon eto potiencialnaja prosłuška s postojannym triekierom, kotoryje vy vsiehda SAMI!!! nositie s soboj i zariažajetie. Takžie jesť opcija udalennoho upravlenija ios i android, no eto v osobych słučajach dla “izbrannych”. Kromie etoho umnyje ustrojstva s hołosovym upravlenijem ( TV, kołonki amazon jandieks …., roboty pylesosy, ip kamiery i t.d. tožie potiencialnaja prosłuška. 
0
Čarłz/adkazać/
20.08.2023
Micha, patencyjalnaja prasłuchoŭka heta jak patencyjalny hvałtaŭnik -- pryborčyk to jość.
2
Koń/adkazać/
20.08.2023
Askmi, absolutno sohłasien!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera