Znajści
Ałharytmičny łacinski varyjant
30.01.2023 / 23:3913RusŁacBieł

«Dzie vy byli, kali my vajavali za Ičkieryju?» Kadyraŭ niečakana abvinavaciŭ Zachad u niaŭdačach čačenskich niezaležnikaŭ

Ramzan Kadyraŭ raskrytykavaŭ premjer-ministra Polščy Matevuša Maravieckaha, jaki niadaŭna zajaviŭ, što Čačnia zasłuhoŭvaje być niezaležnaj dziaržavaj. U samim fakcie krytyki zachodnich lidaraŭ z boku pramaskoŭskaha kiraŭnika Čačni ničoha siensacyjnaha niama, ale hetym razam jon zajšoŭ z zusim niečakanaha boku. 

«Jon kaža, što treba padtrymać Ičkieryju.

U mianie pytańnie: dzie vy byli, kali my vajavali za Ičkieryju, kali my adstojvali intaresy niezaležnaści, čamu jeŭrapiejskija dziaržavy, u tym liku i Ukraina, nie padtrymali nas, a siońnia raptam vy vyrašyli padtrymać nieisnujučuju dziaržavu?»

— zajaviŭ Kadyraŭ u videazvarocie, apublikavanym 28 studzienia ŭ jaho telehram-kanale.

Kiraŭnik Čačni adznačyŭ, što «byŭ zaŭziatym ičkieryjcam, i nam nie davali budavać dziaržavu mienavita vy», majučy na ŭvazie krainy Zachadu. Miž tym aficyjnaja rytoryka rasijskich uładaŭ i prapahandystaŭ śćviardžaje akurat naadvarot — što jakraz Zachad nibyta padtrymlivaŭ sieparatyzm u Čačni, i ŭ hetym była ŭsia prablema. 

Praŭda, ciapier Ramzan Kadyraŭ niezaležnaj dziaržavy ŭžo nie choča, bo pierakanaŭsia, što nie patrapić joj kiravać biez datacyj z Maskvy: «I siońnia, jak by ni chacieli asobnuju dziaržavu, my nijak nie možam isnavać [jak asobnaja dziaržava], tamu što paŭtara miljona nasielnictva [treba] karmić, apranać, abuvać, vučyć, daškolnyja, sacyjalnyja pytańni, budaŭnictva, inšyja prahramy i prajekty — nam hetaha nie paciahnuć. Tamu va ŭsich sensach va ŭsich napramkach naš narod zrabiŭ pravilny vybar. I z kožnym hodam, z kožnym dniom my pierakonvajemsia ŭ hetym», — skazaŭ jon u svaim zvarocie.

U Jeŭropie temu niezaležnaj Čačni pačali abmiarkoŭvać paśla taho, jak u kastryčniku 2022 hoda Viarchoŭnaja Rada Ukrainy pryniała pastanovu, u jakoj abviaściła Čačenskuju Respubliku Ičkieryja terytoryjaj, «časova akupavanaj RF».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Mafkees /adkazać/
31.01.2023
Kak tolko v raškie načnietsia kipiš i s putienom čto-to słučitsia,- don-dončiku nie snosiť hołovy(v priamom i pierienosnom smyśle). Etoho tupohołovoho priedatiela i sadista nienavidit i priezirajet poł čiečni i kak tolko putien kriakniet -eto budiet finiš i dla don-dončika. Tień čierienka Kaddafi navisła nad rośsijej,zakryvaja sołncie.
0
Riealistka/adkazać/
31.01.2023
Mafkees , vy nie sravnivajtie Kadyrova s ostalnymi čiečiencami (kotoryje nie kadyrovcy). Iz vsiech narodov, nasielajuŝich rośsiju, tolko oni imieli śmiełosť vojevať za svoju svobodu, a čto vsie ostalnyje v eto vriemia diełali? Ja by napisała, no bojuś tohda kommient nie projdiet provierku. Eto don-don takoj kakoj jesť, a vspomnitie Džochara Dudajeva, kakoj eto był vielikij čiełoviek.
0
Mafkees /adkazać/
31.01.2023
Riealistka, Ja nihdie i nie sravnivał čiečienciev s kadyrovym ili kadyrovcami...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera