Litoŭcy pieršymi sabrali na «Bajraktar» dla Ukrainy. Ciapier jany pieršymi źbirajuć na piać radaraŭ
30 studzienia ŭ Litvie zapuścili novuju akcyju dapamohi Ukrainie, padčas jakoj płanujecca sabrać srodki na kuplu radaraŭ dla manitorynhu pavietranaj prastory, piša Delfi.lt.
Zdymak ilustracyjny. Fota: Ministerstva abarony Izraila
Dla realizacyi prajekta abjadnalisia nastupnyja arhanizacyi, jakija śpiecyjalizujucca na zbory srodkaŭ: Blue/Yellow, Laisvės TV, 1K fondas i «Mocnyja razam».
Z 30 studzienia pa 24 lutaha aktyvisty pasprabujuć sabrać choć by 5 młn jeŭra na kuplu radaraŭ dla manitorynhu pavietranaj prastory, kab Ukraina mahła lepš abaraniacca ad rasijskaj ahresii.
Radary, na jakija źbirajucca hrošy, pavodle inicyjataraŭ zboru, vielmi dobryja. Jany nievialikaha pamieru, ich lohka transpartavać, jany mabilnyja, dobra bačać navat nievialikija abjekty.
Radary płanujuć kupić u izrailskich vytvorcaŭ — adzin taki radar z abstalavańniem kaštuje 1 młn jeŭra. Pra kuplu ŭžo damovilisia, treba tolki hrošy.
«My pakažam, što razmovy ab tym, što Litva nibyta stamiłasia dapamahać Ukrainie — hłupstva», — upeŭnieny adzin ź inicyjataraŭ.
Pamahčy litoŭcam pry žadańni mohuć i biełarusy, jakija žyvuć u hetaj krainie. Rekvizity, pa jakich robicca zbor:
Vsi Melyna ir geltona
LT817300010175720500
SWIFT: HABALT22
Paypal: [email protected]
