Znajści
Ałharytmičny łacinski varyjant
31.01.2023 / 11:197RusŁacBieł

Borys Džonsan nazvaŭ pamyłku Zachadu, bieź jakoj nie było b vajny RF va Ukrainie

Były premjer-ministr Vialikabrytanii Borys Džonsan ličyć, što poŭnamaštabnaha ŭvarvańnia Rasii va Ukrainu možna było b paźbiehnuć, kali b Zachad mieŭ śmiełaść i paśladoŭnaść u tym, kab pryvieści Ukrainu ŭ NATA. Jaho kałonku ŭ The Washington Post cytuje «UP».

Fota: Ofis prezidenta Ukrainy praz AR

«Dziesiacihodździami my vykarystoŭvali dypłamatyčnuju dvuchsensoŭnaść na temu NATA i Ukrainy — i heta skončyłasia poŭnaj katastrofaj. My hadami raskazvali ŭkraincam, što pravodzim palityku «adčynienych dźviarej» u NATA, što jany majuć prava «vybirać svoj los» i što Rasija nie pavinna mieć prava vieta. I ŭvieś hety čas my niedvuchsensoŭna davali zrazumieć Maskvie, što Ukraina nikoli nie ŭstupić u aljans — tamu što vielmi mnohija členy NATA sami prymieniać svajo prava vieta», — napisaŭ Džonsan.

Vynikam takoj stratehii, pavodle Džonsana, stała «najhoršaja vajna ŭ Jeŭropie za apošnija 80 hadoŭ».

U vyniku «prezident Rasii Uładzimir Pucin razburyŭ nieźličonuju kolkaść žyćciaŭ, damoŭ, nadziej i maraŭ».

«Pucin uvarvaŭsia nie tamu, što dumaŭ, što Ukraina źbirajecca ŭstupić u NATA. Jon zaŭsiody viedaŭ, što heta małavierahodna. Jon napaŭ na Ukrainu, tamu što ličyŭ — i mieŭ šmatlikija dokazy hetaha — što my nie vielmi surjozna stavilisia da abarony Ukrainy», — miarkuje Džonsan.

Pavodle jaho, kali b krainy Zachadu byli dastatkova śmiełymi i paśladoŭnymi, kab pryvieści Ukrainu ŭ NATA, to «hetaj poŭnaj katastrofy možna było b paźbiehnuć».

Džonsan adznačyŭ, što ciapier padtrymka členstva ŭ NATA va Ukrainie vielmi vysokaja, 83 pracenty ŭkraincaŭ ličać, što Ukraina pavinna stać členam Aljansu.

«Siońnia ŭkraincy vykarystoŭvajuć ašałamlalnuju kolkaść raznastajnaj techniki z krain NATA ź niezvyčajnym majsterstvam i advahaj… Nie NATA mahło b vučyć ukraincaŭ, jak vieści vajnu — na samaj spravie, jość šmat taho, čamu jany mahli b navučyć nas», — napisaŭ były premjer Brytanii.

Džonsan taksama napisaŭ, što «ŭkraincy pavinny atrymać usio nieabchodnaje, kab skončyć hetuju vajnu jak maha chutčej».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
kgb-gestapo/adkazać/
31.01.2023
Angela Merkel postavliala v Belarusj besU-lukoschenke sredstva dlia podavlenija narodnyx protestov protiv netschistoj sily kgb-gestapo.Berlin obutschal lukaschistov poljzovatsia nemezkimi ustrojstvami dlia podavlenija narodnyx protestov protiv besalukoshenko
0
Oleh /adkazać/
31.01.2023
[Red. vydalena]
0
mmm/adkazać/
03.02.2023
koročie jasno sami kak rusaki - nužno było by nato na vostok i vsie ok
vmiesto toho čtoby priznať čto ch łožili na transformaciju obziestva v raškie i rastili diktaruru načinaja s jelcina

Nu čto putlera arhumienty vyhladiat łohičnymi na eto fonie - kto uśpieł -tot i sjeł
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031