Kiraŭnika Biełaruskaj fiederacyi futboła znoŭ zaŭvažyli za miažoj, pryčym dzie!
Čytačy Tribuna.com prysłali ŭ redakcyju vydańnia fatahrafii staršyni ABFF Uładzimira Bazanava kala kramy ŭ polskaj Biełaj Padlašskaj.
Na pačatku studzienia Bazanaŭ trapiŭ u śpis 14 spartsmienaŭ i spartyŭnych čynoŭnikaŭ, u dačynieńni da jakich va Ukrainie rekamiendujecca ŭvieści sankcyi. Paśla zaćviardžeńnia sankcyj u dačynieńni da fihurantaŭ śpisu jon budzie nakiravany ŭsim mižnarodnym partnioram Ukrainy praz MZS krainy.
Takim čynam, tyja, chto patrapiŭ u śpis, mohuć atrymać doŭhaterminovuju zabaronu na ŭjezd u Jeŭrasajuz, ZŠA i inšyja krainy, a taksama zabaronu na vystupleńni ŭ mižnarodnym sporcie. Dahetul jon užo staŭ fihurantam «čornaha śpisu» krain Bałtyi.
Raniej Bazanaŭ niekalki razoŭ rabiŭsia fihurantam skandałaŭ, źviazanych sa sprobami naviedvańnia krain Jeŭrasajuza. U kancy 2021 hoda jaho zatrymała palicyja ŭ Čechii. Tady čynoŭnika vysłali na radzimu, a šenhienskuju vizu anulavali. A ŭ žniŭni minułaha hoda jaho raźviarnuli na miažy z Polščaj, u jakuju jon patrapiŭ ciapier.
Bazanaŭ — pałkoŭnik zapasu, były deputat Pałaty pradstaŭnikoŭ. U 2019-m zrabili kiraŭnikom Biełaruskaj fiederacyi futboła, i na hetaj pasadzie jon datyčny da represij u biełaruskim sporcie.
Čytajcie taksama:
Kiraŭnik fiederacyi futboła Bazanaŭ sprabavaŭ vyjechać u Polšču, jaho nie puścili
Vizu kiraŭniku Fiederacyi futboła Bazanavu vydała pasolstva Vienhryi
Kiraŭnika ABFF Uładzimira Bazanava razam z žonkaj vysłali z Čechii «za parušeńnie supraćepidemičnych mier»
