«Jandeks» pryznaŭ, što pamočnik «Alisa» zdolny padsłuchoŭvać karystalnikaŭ
Kałonka-pamočnik ad «Jandeksa» «Alisa» moža słuchać karystalnikaŭ na praciahu niekalkich siekund, navat kali jaje imia nie nazyvajuć. Pra heta paviedamiŭ «Jandeks», kamentujučy ŭciečku kodu niekatorych servisaŭ, piša The Mossow Times.
Pavodle «Jandeksa», frahmienty źlitaha kodu źmiaščali testavyja ałharytmy, jakija vykarystoŭvalisia ŭnutry kampanii dla pravierki karektnaści pracy servisaŭ.
«Naprykład, dla palapšeńnia jakaści aktyvacyi asistenta i pamianšeńnia kolkaści iłžyvych spracoŭvańniaŭ u beta-versii dla supracoŭnikaŭ prymianiajecca nastrojka, jakaja ŭklučaje mikrafon pryłady na niekalki siekundaŭ u vypadkovy momant biez zhadvańnia «Alisy», — rastłumačyli ŭ kampanii.
«Jandeks» paprasiŭ prabačeńnia ŭ karystalnikaŭ, pryznaŭšy, što byli parušanyja pryncypy sumlennaści i prazrystaści.
Uciečku zychodnaha kodu servisaŭ «Jandeks» pryznaŭ 28 studzienia 2023 hoda. Nieviadomy karystalnik tady vykłaŭ u sieciva archivy, abjom jakich u ścisnutym vyhladzie składaŭ 44,7 hihabajta. Jon śćviardžaŭ, što atrymaŭ dostup da źviestak u lipieni 2022 hoda.