Sakratar RNBA Daniłaŭ: Rasija rychtujecca da maksimalnaj eskałacyi
Rasijski prezident Uładzimir Pucin moža pasprabavać pravieści maštabnuju ataku z poŭnačy, poŭdnia i ŭschodu, jak heta adbyłosia 24 lutaha 2022 hoda, prymierkavaŭšy jaje da hadaviny vajny, zajaviŭ u intervju telekanału Sky News sakratar Rady nacyjanalnaj biaśpieki i abarony Ukrainy Alaksiej Daniłaŭ.
Fota: AP
Pavodle jaho słoŭ, Ukraina rychtujecca da surjoznaj eskałacyi z boku Rasii, jakaja moža pačacca ŭ najbližejšyja dva-try tydni.
«Rasija rychtujecca da maksimalnaj eskałacyi, — skazaŭ Daniłaŭ. — Jana źbiraje ŭsie mahčymyja siły, pravodzić vučeńni i treniroŭki».
Daniłaŭ skazaŭ, što samyja ciažkija bai jašče napieradzie, a nastupnyja niekalki miesiacaŭ buduć vyrašalnymi ŭ vajnie.
Pry hetym ciapier ukrainskija vajskoŭcy majuć značna bolšuju padtrymku z boku zachodnich partnioraŭ, u tym liku Brytanii, čym hod tamu, dadaŭ jon.