Rada Jeŭropy zapuskaje płan pa padtrymcy hramadzianskaj supolnaści i demakratyčnych sił Biełarusi
Rada Jeŭropy pradstaviła płan dziejańniaŭ z 15 punktaŭ pa padtrymcy biełaruskich demakratyčnych sił i hramadzianskaj supolnaści. Jaho apublikavała hienieralny sakratar RIE Maryja Piejčynavič-Buryč.
Płan byŭ raspracavany sumiesna ŭ ramkach kantaktnaj hrupy Rady Jeŭropy pa Biełarusi.
Siarod mierapryjemstvaŭ — treninhi pa pravach čałavieka, sieminary pa Jeŭrapiejskaj kanviencyi ab pravach čałavieka i aznajamlenčyja pajezdki dla pryciahnieńnia biełaruskich jurystaŭ u štab-kvateru Rady Jeŭropy ŭ Strasburhu.
Taksama płan uklučaje pavyšeńnie daśviedčanaści pa klučavych pytańniach, u tym liku admieny śmiarotnaha pakarańnia, niedyskryminacyi, hiendarnaj roŭnaści i supraćdziejańnia hvałtu ŭ adnosinach da žančyn. Na sakavik zapłanavany sieminar dla žurnalistaŭ u vyhnańni.
«Dziejańni, jakija my ŭzhadnili ŭ kantaktnaj hrupie Rady Jeŭropy pa Biełarusi na 2023 hod, ujaŭlajuć saboj najbolš adčuvalnuju i značnuju dapamohu, i ja hanarusia tym, što naša arhanizacyja adyhryvaje navatarskuju rolu ŭ padtrymcy demakratyčnaj Biełarusi», — skazała hienieralnaja sakratarka RIE.
1 lutaha na pasiadžeńni kantaktnaj hrupy Rady Jeŭropy vystupiła Śviatłana Cichanoŭskaja.
Treciaje pasiadžeńnie kantaktnaj hrupy adbudziecca ŭ červieni 2023 hoda.
Patrebnyja hrošy biełaruskamoŭnym niezaležnym miedyja i h.d.
A hałoŭnaje - sankcyi!