Znajści
Ałharytmičny łacinski varyjant
02.02.2023 / 09:18RusŁacBieł

Dyrektaru vydańnia «Biełorusy i rynok» vystavili abvinavačvańnie, ale viadoma pra spravu mała

Jak stała viadoma Biełaruskaj asacyjacyi žurnalistaŭ, 31 studzienia, paśla bolš čym vaśmi miesiacaŭ znachodžańnia za kratami, narešcie vysłuchaŭ sutnaść abvinavačvańniaŭ na svoj adras dyrektar haziety «Biełorusy i rynok» Kanstancin Załatych.

Advakaty miedyjamieniedžara znachodziacca pad pahrozaj pazbaŭleńnia licenzii i źviazanyja žorstkimi ŭmovami nierazhałošvańnia «tajamnicy śledstva», tamu ad usialakich kamientaryjaŭ ustrymlivajucca.

Na hety momant viadoma, što Kanstancinu Załatych pradjavili šerah surjoznych kryminalnych artykułaŭ, na padstavie adnaho ź ich miedyjamieniedžara minułaj viasnoj i zatrymali — nibyta za «raspalvańnie varožaści». Maksimalnaja sankcyja praduhledžvaje za heta da 10 hadoŭ źniavoleńnia.

Nieŭzabavie spravu Kanstancina Załatych pieradaduć na aznajamleńnie prakuroru dla dalejšaha nakiravańnia ŭ sud. Da zakančeńnia pracesu fihurant budzie zastavacca ŭ minskim SIZA №1.

18 maja 2022 hoda supracoŭniki Kamiteta dziaržbiaśpieki zatrymali dyrektara najstarejšaj ekanamičnaj haziety krainy «Biełorusy i rynok» Kanstancina Załatych, hałoŭnaha redaktara Andreja Aleksandroviča i buchhałtarku Juliju Kachno.

Paśla dopytu Andreja Aleksandroviča i Juliju Kachno adpuścili, a Kanstancin Załatych tolki praź niekalki dzion znajšoŭsia ŭ žodzinskim śledčym izalatary. Miarkujučy pa źmieście pratakoła, papiaredniaj pryčynaj nadzvyčajnaj uvahi značyłasia «raspalvańnie varožaści» (art. 130 Kryminalnaha kodeksa).

Na pačatku červienia pravaabarončaja supolnaść pryznała Kanstancina Załatych palityčnym źniavolenym.

U žniŭni fihuranta pieraviali z Žodzina ŭ SIZA №1 Minska, tam jaho ŭtrymlivajuć dahetul.

Kanstancin Załatych — miedyjny mieniedžar i vytvorčy administratar, supracoŭničaŭ ź viadučymi niezaležnymi ŚMI i bujnymi dziaržaŭnymi pradpryjemstvami.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera